കണ്ണൂര്‍: പോക്‌സോ കേസില്‍ മുസ്ലിം ലീഗ് പ്രവര്‍ത്തകനെ പോലീസ് അറസ്റ്റ് ചെയ്തു. ആറളം സ്വദേശി കുഞ്ഞിമായിന്‍ ആണ് അറസ്റ്റിലായത്. കേസ് അന്വേഷണത്തിനിടെ ഇയാള്‍ സ്റ്റേഷനിലെത്തി കീഴടങ്ങുകയായിരുന്നു.
കഴിഞ്ഞ മാസമായിരുന്നു കേസിന് ആസ്പദമായ സംഭവം. 15 വയസ്സുള്ള പെണ്‍കുട്ടിയോടാണ് കുഞ്ഞിമായിന്‍ അപമര്യാദയായി പെരുമാറിയത്. തുടര്‍ന്ന് പെണ്‍കുട്ടിയുടെ വീട്ടുകാര്‍ പോലീസില്‍ പരാതി നല്‍കുകയായിരുന്നു. പ്രതിയെ രക്ഷിക്കാന്‍ ശ്രമിക്കുകയാണെന്ന് ആരോപിച്ച്‌ പെണ്‍കുട്ടിയുടെ കുടുംബം രംഗത്തുവന്നിരുന്നു.
