തിരുവല്ല: പ്രണയത്തില്‍നിന്നും പിന്മാറിയ പകയില്‍ തിരുവല്ലയിലെ നിരണത്ത് യുവതിയുടെ വീട് അടിച്ച്‌ തകര്‍ത്ത സംഭവത്തില്‍ കാപ്പാ കേസ് പ്രതിയായ കാമുകൻ അടക്കം മൂന്നുപേരെ പുളിക്കീഴ് പോലീസ് കൈയോടെ പിടികൂടി. കാപ്പ കേസ് പ്രതിയും കാമുകനുമായ ചങ്ങനാശ്ശേരി നാലുകോടി കൊല്ലാപുരം ചെമ്മുകത്ത് വീട്ടില്‍ പ്രണവ് സുരേഷ് (22), തിരുവല്ല മുത്തൂര്‍ പള്ളിക്കാമറ്റം വീട്ടില്‍ ജിതിൻ (22), തിരുവല്ല കുറ്റപ്പുഴ മാടമുക്ക് ചിറയപറമ്പില്‍ വീട്ടില്‍ സി. ജിതിൻ (19) എന്നിവരാണ് പിടിയിലായത്. വ്യാഴാഴ്ച രാത്രി 12 മണിയോടെയായിരുന്നു കേസിനാസ്പദമായ സംഭവം നടന്നത്. കഴിഞ്ഞ അഞ്ചുവര്‍ഷക്കാലമായി പ്രണവ് യുവതിയുമായി അടുപ്പത്തിലായിരുന്നു എന്ന് പോലീസ് പറഞ്ഞു.
പ്രണവിന്റെ ക്രിമിനല്‍ പശ്ചാത്തലം മനസ്സിലാക്കിയ യുവതി അടുത്തിടെ പ്രണയത്തില്‍നിന്നും പിന്മാറി. ഇതിന്റെ വൈരാഗ്യത്തില്‍ നിരണം കൊമ്പങ്കേരിയിലെ യുവതിയുടെ വീട്ടിലെത്തിയ പ്രണവും സംഘവും മരത്തടി ഉപയോഗിച്ച്‌ വീടിന്റെ ജനാലകളും വാതിലും അടിച്ചു തകര്‍ത്തു. മുൻ വാതില്‍ തകര്‍ത്ത് അകത്തു കയറിയ പ്രതികള്‍ യുവതിയുടെ സഹോദരൻ അടക്കമുള്ളവര്‍ക്ക് നേരെ ആക്രമണം അഴിച്ചുവിട്ടു. തുടര്‍ന്ന് സ്ഥലത്തുനിന്നും പോയ പ്രതികള്‍ അരമണിക്കൂര്‍ കഴിഞ്ഞപ്പോള്‍ വീണ്ടും വെല്ലുവിളിയുമായി എത്തി. ഈ സമയം സംഭവമറിഞ്ഞ് സ്ഥലത്തെത്തിയ പോലീസ് സംഘം മൂവരെയും ബലംപ്രയോഗിച്ച്‌ കീഴ്പെടുത്തുകയായിരുന്നു. പിടിയിലായ പ്രണവ് സുരേഷും രണ്ടാംപ്രതി ജിതിനും ചങ്ങനാശ്ശേരി, മാന്നാര്‍ എന്നീ പോലീസ് സ്റ്റേഷൻ പരിധിയില്‍ നടന്ന വധശ്രമ കേസുകളിലും അടിപിടി കേസുകളിലും മാല പൊട്ടിക്കല്‍ കേസുകളിലും പ്രതികളാണെന്ന് പോലീസ് പറഞ്ഞു.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
