തിരുവനന്തപുരം : ജൂലൈ മാസത്തെ ശമ്പളത്തിന്റെ ആദ്യ ഗഡു പോലും ഇനിയും വിതരണം ചെയ്യാനാകാതെ വന്നതോടെ കെഎസ്ആർടിസി ജീവനക്കാർക്കിടയിൽ പ്രതിഷേധം ശക്തമായി. 30 കോടി രൂപ കഴിഞ്ഞ ദിവസം അനുവദിച്ചെന്ന് ധനവകുപ്പ് അറിയിച്ചെങ്കിലും ഇന്നലെയും പണം കെഎസ്ആർടിസിക്ക് കൈമാറിയില്ല. ഇന്ന് അവധിയായതിനാൽ നാളെ മാത്രമേ ബാക്കി നടപടികൾ പൂർത്തിയാക്കാനാകൂ എന്നാണ് വിവരം. ബുധനാഴ്ച കെഎസ്ആർടിസി ജീവനക്കാർ ബിഎംഎസിന്റെ നേതൃത്വത്തിൽ സെക്രട്ടറിയേറ്റിലേക്ക് വിലാപയാത്ര നടത്തും. കെഎസ്ആർടിസി ചീഫ് ഓഫിസിന് മുന്നിൽ നിന്നാണ് വിലാപയാത്ര തുടങ്ങുന്നത്. എല്ലാ മാസവും അഞ്ചിന് ശമ്പളം നൽകുമെന്ന മുഖ്യമന്ത്രിയുടെ ഉറപ്പ് നടക്കാതെ വന്നതോടെ ശമ്പളം രണ്ടു ഗഡുക്കളാക്കി ആദ്യ ഗഡു ശമ്പളം അഞ്ചിന് നൽമെന്ന് ഉറപ്പു നൽകി. അതും ഇപ്പോൾ പാലിക്കപ്പെടുന്നില്ല. കഴിഞ്ഞ മാസം 15നാണ് ആദ്യഗഡു ശമ്പളം നൽകിയത്. ഈ മാസം പതിനഞ്ചും പിന്നിട്ടിട്ടും ശമ്പളക്കാര്യത്തിൽ തീരുമാനമായില്ല. ശമ്പളവും ഒരു അഡ്വാൻസും ബോണസും നൽകണമെന്ന ആവശ്യമുന്നയിച്ച് സിഐടിയുവും ഐഎൻടിയുസിയും ചേർന്നുള്ള സംയുക്ത സമരസമിതി 26ന് പണിമുടക്ക് നോട്ടിസ് നൽകിയിരിക്കുകയാണ്. ഓണത്തിന് മുൻപ് ശമ്പളമെങ്കിലും നൽകാനാകുമോയെന്ന കാര്യത്തിൽ സംശയത്തിലാണ് മാനേജ്മെന്റിന്റെ സ്ഥിതി. ധനവകുപ്പ് നൽകാതെ ശമ്പളമോ അഡ്വാൻസോ നൽകാൻ കെഎസ്ആർടിസിയുടെ കയ്യിൽ പണവുമില്ല.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
