തിരുവനന്തപുരം : ഉദ്യോഗാര്ഥികളുമായി ചര്ച്ചയ്ക്ക് തയ്യാറായി സര്ക്കാര്. സിപിഒ റാങ്ക് ലിസ്റ്റിലുള്ളവരോട് ചര്ച്ചയ്ക്ക് തയ്യാറാകാന് നിര്ദേശം നല്കിയെന്ന് സമരക്കാര്. ലാസ്റ്റ് ഗ്രേഡിലുള്ളവര്ക്ക് കത്തുമായി സര്ക്കാര് പ്രതിനിധിയെത്തി.
അതേസമയം പിന്വാതില് നിയമനത്തിനെതിരെയും പിഎസ്സി വഴി നിയമനം നടത്താത്തതിലും പ്രതിഷേധിച്ച് യൂത്ത് കോണ്ഗ്രസ് തിരുവനന്തപുരത്ത് പ്രതീകാത്മക പിഎസ്സി പരീക്ഷ നടത്തി. സെക്രട്ടറിയറ്റിനു മുന്നിലായിരുന്നു പ്രതീകാത്മക പരീക്ഷ. ഉദ്യോഗാര്ഥികളുടെ സമരത്തിന് പിന്തുണ പ്രഖ്യാപിച്ച് എംഎല്എമാരായ ഷാഫി പറമ്പിലും ശബരീനാഥനും നടത്തുന്ന നിരാഹാര സമരം തുടരുകയാണ്.