തിരുവല്ല : കോൺക്രീറ്റ് ചെയ്ത പുതുക്കുളങ്ങര – കോതേകാട്ട് പടി റോഡ് വിണ്ടുകീറി തകർച്ചയിലായി. പെരിങ്ങര പഞ്ചായത്ത് പത്താം വാർഡിലൂടെ കടന്നുപോകുന്ന വഴിയാണ് സഞ്ചാരയോഗ്യമല്ലാതെ ഭീഷണിയായിരിക്കുന്നത്. കനത്തമഴയിൽ റോഡിന്റെ മദ്ധ്യഭാഗത്തുകൂടി നീളത്തിൽ പൊട്ടലുണ്ടായി യാത്ര ദുരിതമായിരിക്കുകയാണ്. റോഡിന്റെ പകുതിഭാഗത്ത് മെറ്റലിളകി കിടക്കുകയാണ്. ഭാരം കയറ്റിയ വാഹനങ്ങൾ ഉൾപ്പെടെ പോകുന്ന വഴിയാണിത്. തോടിന്റെ കരയിലൂടെയുള്ള വഴി ഇടിഞ്ഞു തോട്ടിൽ വീഴുമോയെന്നും സമീപവാസികൾ ഭയപ്പെടുന്നു. റോഡരുകിൽ നിൽക്കുന്ന കൂറ്റൻ മരത്തിന്റെ വേര് റോഡിന്റെ തകർച്ചയ്ക്ക് കാരണമായെന്നും നാട്ടുകാർ പറഞ്ഞു. സ്വാമിപാലം, പെരിങ്ങോൾ എന്നിവിടങ്ങളിലേക്ക്‌ പോകാവുന്ന വഴി നൂറുകണക്കിന് ആളുകളാണ് ആശ്രയിക്കുന്നത്. റോഡിന്റെ വശങ്ങൾ കാടുകയറിയ നിലയിലാണ്. റോഡിന്റെ തകർച്ച പരിഹരിച്ച് ഗതാഗത യോഗ്യമാക്കണമെന്ന് ആവശ്യപ്പെട്ട് നാട്ടുകാർ പഞ്ചായത്ത് അധികൃതർക്ക് നിവേദനം നൽകി.
WANTED MARKETING MANAGER
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ (www.pathanamthittamedia.com) മാര്‍ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
