ചണ്ഡിഗഡ് : പഞ്ചാബില്‍ ഒരു മന്ത്രിയ്ക്കും 2 എംഎല്‍എമാര്‍ക്കും കൂടി കോവിഡ്. വ്യവസായ മന്ത്രി സുന്ദര്‍ ഷാം അറോറയ്ക്കാണ് ഇന്നലെ കോവിഡ് സ്ഥിരീകരിച്ചത്. സംസ്ഥാനത്തു രോഗബാധിതനാകുന്ന നാലാമത്തെ മന്ത്രിയാണ്.
അതേസമയം, ഹരിയാന ഗതാഗത മന്ത്രി മൂല്‍ചന്ദ് ശര്‍മയ്ക്കു കൂടി രോഗം സ്ഥിരീകരിച്ചതോടെ ഇന്നു തുടങ്ങുന്ന ഹരിയാന നിയമസഭാ സമ്മേളനം കോവിഡ് ആശങ്കയുടെ നിഴലിലായി. മുഖ്യമന്ത്രി മനോഹര്‍ ലാല്‍ ഖട്ടര്‍, സ്പീക്കര്‍ ഗ്യാന്‍ ചന്ദ് ഗുപ്ത എന്നിവര്‍ക്കു കഴിഞ്ഞ ദിവസം കോവിഡ് സ്ഥിരീകരിച്ചിരുന്നു.
മണിപ്പൂര്‍ സാമൂഹിക ക്ഷേമ മന്ത്രി നെംച കിപ്ഗെനും കോവിഡ് സ്ഥിരീകരിച്ചു. വീട്ടില്‍ നിരീക്ഷണത്തില്‍ കഴിയുകയാണ് മന്ത്രി.
