അടൂര്‍ : പെരുമ്പാമ്പ് ഭീതിയില്‍ പുറത്തിറങ്ങാന്‍ പോലും കഴിയാതെ അടൂരിലെ ജനങ്ങള്‍. കഴിഞ്ഞ രണ്ട്‌ മാസത്തിനുള്ളില്‍ മുപ്പതിലധികം പെരുമ്പാമ്പുകളെയാണ്‌ അടൂരിലെ വിവിധ പ്രദേശങ്ങളില്‍ നിന്നും പിടികൂടിയത്. കഴിഞ്ഞയാഴ്‌ച്ച വടക്കടത്തുകാവ്‌ പന്ത്രണ്ടാം വാര്‍ഡില്‍ പാവൂര്‍ പുത്തന്‍ വീട്ടില്‍ ഗിരീഷ്‌ കുമാറിന്റെ വീട്ടിലെ കോഴിക്കൂടിന്‌ സമീപം വലയില്‍ കുടുങ്ങിയ നിലയില്‍ കണ്ട പെരുമ്പാമ്പിനെ വനം വകുപ്പിന്റെ ലൈസന്‍സുള്ള പാമ്പുപിടുത്തക്കാരന്‍ ചാര്‍ളി മണക്കാല എത്തി പിടികൂടി കൊണ്ടു പോയിരുന്നു. വയല, കിളിവയല്‍, വെള്ളക്കുളങ്ങര, ചൂരക്കോട്‌ – മണ്ണടി റോഡ്‌, സീഡ്‌ ഫാം വലിയത്തോട്‌, കടമ്പനാട്‌, കല്ലുകുഴി എന്നിവിടങ്ങളിലാണ്‌ പെരുമ്പാമ്പുകളുടെ ശല്യം കൂടുതലായിട്ടുള്ളത്‌. മൂന്ന്‌ ആഴ്‌ച്ചകള്‍ക്ക്‌ മുന്‍പ്‌ മൂന്നാളത്തു നിന്നും പെരുമ്പാമ്പിനെ പിടിച്ചിരുന്നു.
മൂന്നു മാസത്തിനുള്ളില്‍ തന്നെ മുപ്പതിലധികം പെരുപാമ്പുകളെയാണ്‌ വിവിധ പ്രദേശങ്ങളില്‍ നിന്നും പിടിച്ചത്‌. ഇതില്‍ 30 കിലോയിലധികം ഭാരമുള്ളതിനെയും ഒരു വീട്ടില്‍ നിന്നും പിടിച്ചിട്ടുണ്ട്‌. വെള്ളക്കുളങ്ങര – ചൂരക്കോട്‌ – മണ്ണടി റോഡരുകില്‍ വള്ളുവിളപ്പടി ഭാഗത്ത്‌ രാത്രിയില്‍ പെരുമ്പാമ്പിനെ കാണാറുള്ളതായി നാട്ടുകാര്‍ പറയുന്നു. റോഡിന്‌ കുറുകെ വലിയ പെരുമ്പാമ്പ് കിടക്കാറുണ്ട്‌. കഴിഞ്ഞ മാസം വെള്ളക്കുളങ്ങരയില്‍ വള്ളുവിളപ്പടി മുട്ടത്ത്‌ പടി റോഡില്‍ രാത്രിയില്‍ പെരുമ്പാമ്പിനെ കണ്ടിരുന്നു. നേരത്തെ വെള്ളക്കുളങ്ങര വടക്കടത്തുകാവ്‌ ഞെക്കാട്ട്‌ ഏലാ റോഡിന്‌ സമീപമുള്ള ഒരു വീട്ടില്‍ കോഴി വളര്‍ത്തല്‍ ഷെഡില്‍ കോഴിയെ ചുറ്റി കിടക്കുന്ന പെരുമ്പാമ്പിനെ കണ്ടിരുന്നു. ഈ വീട്ടില്‍ ഇത്‌ രണ്ടാം തവണയാണ്‌ പെരുമ്പാമ്പ് കയറുന്നത്‌.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
