ജയ്പുർ: രഞ്ജി ട്രോഫി ക്രിക്കറ്റിൽ ഗ്രൂപ്പ് സി മത്സരത്തിൽ കേരളത്തിന് രാജസ്ഥാനെതിരെ സമനില. ഗ്രൂപ്പ് സിയിൽ രാജസ്ഥാൻ ഒന്നാം ഇന്നിംഗ്സ് ലീഡ് നേടി 2 പോയിന്റ് സ്വന്തമാക്കി. രണ്ട് ഇന്നിങ്സുകളിലും രാജസ്ഥാന്റെ ദീപക് ഹൂഡ സെഞ്ച്വറി നേടി.അഞ്ചിന് 278 എന്ന നിലയിൽ ബാറ്റിംഗ് പുനരാരംഭിച്ച രാജസ്ഥാൻ എട്ട് വിക്കറ്റിന് 363 എന്ന നിലയിൽ ഇന്നിംഗ്സ് ഡിക്ലയർ ചെയ്തു. ദീപക് ഹൂഡ 155 റൺസുമായി പുറത്താകാതെ നിന്നു.
