റാന്നി: ചേത്തയ്ക്കൽ സർവീസ് സഹകരണ ബാങ്കിലെ ക്രമക്കേട് മൂലം സമീപത്തെ പള്ളിയുടെ പ്രവര്‍ത്തനവും തടസ്സപ്പെടുന്നുവെന്ന് വിശ്വാസികളുടെ ആരോപണം. ബാങ്കിൽ പണം നിക്ഷേപിച്ച ഇടമണ്‍ വാകത്താനം താബോര്‍ മര്‍ത്തോമ്മാ ഇടവകയുടെ പ്രവർത്തനങ്ങളെയാണ് ഇത് പ്രതിസന്ധിയിലാക്കിയിരിക്കുന്നത്. പള്ളിയുടെ അടിയന്തരാവശ്യങ്ങൾക്കായി ബാങ്കിൽ നിക്ഷേപിച്ചിരുന്ന തുക പിൻവലിക്കുവാൻ പള്ളി കമ്മിറ്റി തീരുമാനമെടുക്കുകയും ആ വിവരം ഇടവക ട്രസ്റ്റി രേഖാമൂലം ബാങ്കിനെ അറിയിക്കുകയും ചെയ്തു. വിവരം അറിയിച്ചിട്ട് ഒരു മാസം പിന്നിട്ടിട്ടും ഇതുവരെയും പണം കൊടുക്കുവാൻ ബാങ്ക് തയ്യാറായിട്ടില്ല. ഇതോടൊപ്പം പള്ളിയിലെ കപ്യാരുടെ സ്വന്തം പേരില്‍ ബാങ്കിൽ നിക്ഷേപിച്ച പണം തിരികെ നൽകുവാനും ബാങ്ക് തയ്യാറാകുന്നില്ല എന്നും ആക്ഷേപമുണ്ട്. പള്ളിയുടേയോ അനുബന്ധ സ്ഥാപനങ്ങളുടേയോ പണം ദേശസാൽകൃത ബാങ്കുകളിൽ നിക്ഷേപിക്കണമെന്ന മാർത്തോമാ സഭയുടെ ഉന്നതാധികാര സമിതിയുടെ തീരുമാനം നിലനിൽക്കെയാണ് ഇവിടെ സഹകരണ ബാങ്കില്‍ നിക്ഷേപിച്ചതെന്നതും പരാതിക്കിടയാക്കിയിട്ടുണ്ട്.
ബാങ്കിലെ സാമ്പത്തിക ക്രമക്കേട് പുറത്തു വന്നതിന് പിന്നാലെ വിവിധ മത സംഘടനകളുടെ ഡിപ്പോസിറ്റുകൾ നേരത്തെ തന്നെ അവിടുത്തെ ഡയറക്ടർ ബോർഡ് അംഗങ്ങൾ വഴി പിൻവലിപ്പിച്ചിരുന്നു. എന്നാല്‍ ഇടവകാംഗം കൂടിയായ ബാങ്ക് പ്രസിഡന്റിനെ പള്ളി കമ്മറ്റി അംഗങ്ങൾ രണ്ടു മാസത്തിനിടയിലായി നിരവധി തവണ സമീപിച്ചെങ്കിലും നിഷേധാത്മകമായ സമീപനം ആണ് അദ്ദേഹത്തിന്റെ ഭാഗത്തു നിന്നും ഉണ്ടായതെന്നും ആരോപണമുണ്ട്. അഡ്മിനിസ്ട്രേറ്റീവ് കമ്മറ്റി ഭരണത്തിനെതിരെ പിരിച്ചു വിടപ്പെട്ട കോണ്‍ഗ്രസ് ഭരണസമതിക്ക് ഹൈക്കോടതി നൽകിയിരുന്ന സ്റ്റേ അവസാനിക്കാൻ ദിവസങ്ങൾ മാത്രമാണ് ബാക്കിയുള്ളത്. എന്നിട്ടും ബാങ്കിനെ സമീപിക്കുന്നവരെ നിരാശപ്പെടുത്തന്നതാണ് തീരുമാനം. നിക്ഷേപകരോടൊപ്പം പള്ളിയുടെ ദൈനംദിന പ്രവർത്തനങ്ങളെയും പണം ലഭിക്കാതായതോടെ പ്രതിസന്ധിയിലാക്കിയിരിക്കുകയാണ് ബാങ്ക്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
