തിരുവനന്തപുരം : കൊവിഡ് പ്രോട്ടോകോൾ ലംഘിച്ചതിൽ പ്രതിപക്ഷ നേതാവ് വിഡി സതീശനെതിരെ പരാതി. ലോക്ക്‌ഡൗൺ നിയമം തെറ്റിച്ച് സ്വീകരണം സംഘടിപ്പിച്ചെന്നാരോപിച്ചാണ് പ്രതിപക്ഷ നേതാവ് വി.ഡി സതീശനെതിരെ എഐവൈഎഫ് സംസ്ഥാന ജോ.സെക്രട്ടറി എൻ.അരുൺ മുഖ്യമന്ത്രിക്ക് പരാതി നൽകി. കൊവിഡ് ചുമതലയുള്ള ജില്ലാ കളക്ടർക്കും പോലീസ് മേധാവിക്കും ഉൾപ്പടെ തെളിവോടുകൂടിയാണ് പരാതി നൽകിയിരിക്കുന്നത്. നിയമ ലംഘനത്തിനെതിരെ തിങ്കളാഴ്ച കോടതിയെ സമീപിക്കുമെന്നും പരാതിക്കാരൻ അറിയിച്ചു.
