ശബരിമലയില്‍ തെലുങ്കാന സ്വദേശി ഹൃദയാഘാതം മൂലം മരിച്ചു

ശബരിമല : ശബരിമല ദര്‍ശനത്തിനെത്തിയ തെലുങ്കാന സ്വദേശി ഹൃദയാഘാതത്തെ തുടര്‍ന്ന് മരിച്ചു. തെലുങ്കാന മെഹബൂബ് നഗര്‍, ദമരിഗിദ വെങ്കിടേശ്വര കോളനിയില്‍ 11-42/2 വീട്ടില്‍ നരേഷ് ഗോണിഗെനൂര്‍ (27) ആണ് മരിച്ചത്. മല കയറുന്നതിനിടെ ദേഹാസ്വസ്ഥ്യം അനുഭവപ്പെട്ട ഇദ്ദേഹത്തെ ട്രാക്ടറില്‍ സന്നിധാനത്തെ ഗവ: ആശുപത്രിയില്‍ എത്തിച്ച് പ്രഥമ ശുശ്രൂഷ നല്‍കിയെങ്കിലും ജീവന്‍ രക്ഷിക്കാനായില്ല. ഞായറാഴ്ച്ച രാവിലെ 6.15 ഓടെയായിരുന്നു മരണം.