പത്തനംതിട്ട : വൈക്കം സത്യാഗ്രഹ ശതാബ്ദി ആഘോഷ വേദിയിലേക്കുള്ള സമര രക്തസാക്ഷി ചിറ്റേടത്ത് ശങ്കുപ്പിള്ളയുടെ രക്തസാക്ഷി അനുസ്മരണ ചായ ചിത്ര ജാഥ നാളെ കോഴഞ്ചേരി സി. കേശവന്‍ സ്ക്വയറില്‍ നിന്ന് പര്യടനം തുടങ്ങും. ഒരുക്കങ്ങള്‍ പൂര്‍ത്തിയായതായി സംഘാടക സമിതി ചെയര്‍മാന്‍ പ്രൊഫ. സതീഷ് കൊച്ചുപറമ്പില്‍ അറിയിച്ചു. ആന്‍റോ ആന്‍റണി എം.പി, കെ.പി.സി.സി ജനറല്‍ സെക്രട്ടറിമാരായ അഡ്വ. പഴകുളം മധു അഡ്വ. ജോസി സെബാസ്റ്റ്യന്‍ എന്നിവരാണ് ജാഥ നയിക്കുന്നത്.
കോഴഞ്ചേരിയില്‍ ഡി.സി.സി പ്രസിഡന്‍റ് പ്രൊഫ. സതീഷ് കൊച്ചുപറമ്പിലിന്‍റെ അദ്ധ്യക്ഷതയില്‍ മുന്‍ പ്രതിപക്ഷ നേതാവ് രമേശ് ചെന്നിത്തല സമ്മേളനം ഉദ്ഘാടനം ചെയ്ത് ഛായ ചിത്രം കൈമാറും. പ്രൊഫ. കടമ്മനിട്ട വാസുദേവന്‍ പിള്ള, പ്രൊഫ. ജോസ് പാറക്കടവില്‍, എസ്.എന്‍.ഡി.പി യോഗം അസിസ്റ്റന്‍റ് സെക്രട്ടറി പി. എസ് വിജയന്‍, എ.കെ സജീവ് എന്നിവര്‍ പങ്കെടുക്കും. ചിറ്റേടത്ത് ശങ്കുപ്പിള്ളയുടെ ജീവചരിത്രകാരന്‍ തെള്ളിയൂര്‍ ഗോപാലകൃഷ്ണന്‍റെ പത്നിയെ ആദരിക്കും. രാവിലെ മേലുകര ചിറ്റേടത്ത് സ്മാരകത്തില്‍ അനുസ്മരണം മുന്‍ ഡി.സി.സി പ്രസിഡന്‍റ് പി. മോഹന്‍രാജ് ഉദ്ഘാടനം ചെയ്യും.
തിരുവല്ലയില്‍ മുന്‍ മന്ത്രി പന്തളം സുധാകരന്‍ മല്ലപ്പള്ളിയില്‍ കെ.പി.സി.സി രാഷ്ട്രീയകാര്യ സമിതി അംഗം പ്രൊഫ. പി.ജെ കുര്യന്‍, റാന്നിയില്‍ മുന്‍ ഡി.സി.സി പ്രസിഡന്‍റ് കെ. ശിവദാസന്‍ നായര്‍, എരുമേലിയില്‍ കെ.സി ജോസഫ്, പൊന്‍കുന്നത്ത് തിരുവഞ്ചൂര്‍ രാധാകൃഷ്ണന്‍, പാലായില്‍ മാണി. സി. കാപ്പന്‍, കുറുവിലങ്ങാട് കോട്ടയം ഡി.സി.സി പ്രസിഡന്‍റ് നാട്ടകം സുരേഷ്, കടുത്തുരുത്തിയില്‍ മുന്‍ മന്ത്രി മോന്‍സ് ജോസഫ് എം.എല്‍.എ എന്നിവര്‍ സമ്മേളനം ഉദ്ഘാടനം ചെയ്യും. 28 ന് രാവിലെ 10.30 ന് പര്യടനം ആരംഭിക്കുന്ന ജാഥ 29 ന് 6 മണിക്ക് വൈക്കത്ത് എത്തിച്ചേരും. വിവിധ സമ്മേളനങ്ങളില്‍ സാമൂഹ്യ-സാംസ്കാരിക പ്രവര്‍ത്തകരും കലാകാരന്മാരും അണിചേരുമെന്ന് ഡി.സി.സി പ്രസിഡന്‍റും സംഘാടക സമിതി ചെയര്‍മാനുമായ പ്രൊഫ. സതീഷ് കൊച്ചുപറമ്പില്‍ പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
—————————————————————————————————
