മലപ്പുറം: പതിനാറ് വയസ്സുകാരനെ പ്രകൃതി വിരുദ്ധ പീഡനത്തിനിരയാക്കിയ കേസില്‍ ആറുപേരെ വേങ്ങര പോലീസ് അറസ്റ്റ് ചെയ്തു. ചൈല്‍ഡ് ലൈനില്‍ ലഭിച്ച പരാതിയെ തുടര്‍ന്നെടുത്ത കേസില്‍ അഞ്ച് പേരും വേങ്ങര പോലീസില്‍ ലഭിച്ച പരാതിയില്‍ ഒരാളുമാണ് പോക്‌സോ നിയമ പ്രകാരം അറസ്റ്റിലായത്.
നെടുംപറമ്പ് ചിറയില്‍ കബീര്‍ (29), ചേറൂര്‍ മുളയത്തില്‍ നിസ്താര്‍ (42), ഐക്കരപ്പടി മണ്ണരക്കല്‍ ഗോപാലകൃഷ്ണന്‍ (50), മോങ്ങം ചേപ്പന്‍ കലായില്‍ പോക്കര്‍ (64), മമ്പീതി വള്ളിക്കാടന്‍ മുഹമ്മദ് ഹുസൈന്‍ (55) എന്നിവരെയാണ് ചൈല്‍ഡ് ലൈനില്‍ ലഭിച്ച പരാതിയില്‍ അറസ്റ്റ് ചെയ്തത്. കൂരിയാട് വെച്ച്‌ കുട്ടിയെ നിരന്തരം പീഡിപ്പിച്ചുവെന്ന പരാതിയില്‍ കക്കാട് മാട്ടറ നൗഷാദ് (43)ആണ് അറസ്റ്റിലായത്. അന്വേഷണ ചുമതലയുള്ള കരിപ്പൂര്‍ സ്റ്റേഷന്‍ ഇന്‍സ്‌പെക്ടര്‍ ഷിബുവിന്റെ നേതൃത്വത്തിലുള്ള പോലീസ് സംഘമാണ് പ്രതികളെ പിടിച്ചത്.
