ഇന്ത്യൻ റെയിൽവേയുടെ ആധുനിക മുഖമാണ് വന്ദേ ഭാരത് എക്സ്പ്രസ് ട്രെയിനുകൾ. സർവീസ് ആരംഭിച്ചിട്ട് ചുരുങ്ങിയ നാളുകൾക്കുള്ളിൽ തന്നെ ജനസ്വീകാര്യത നേടിയെടുക്കാൻ വന്ദേ ഭാരത് ട്രെയിനുകൾക്ക് സാധിച്ചിട്ടുണ്ട്. 2024-25 സാമ്പത്തിക വർഷത്തോടെ 400 വന്ദേ ഭാരത് ട്രെയിനുകൾ നിർമിക്കാനാണ് റെയിൽവേ മന്ത്രാലയം ലക്ഷ്യമിടുന്നത്. ഇതിനായുള്ള കരാറുകൾ സ്വകാര്യ, പൊതു മേഖല കമ്പനികൾക്കായാണ് സർക്കാ‍ർ വീതിച്ചു നൽകിയിട്ടുള്ളത്. ഇതിലൂടെ റെയിൽവേയുമായി ബന്ധപ്പെട്ട കമ്പനികളുടെ വരുമാനവും വർധിക്കും. ഈയൊരു പശ്ചാത്തലത്തിൽ വന്ദേ ഭാരത് ട്രെയിൻ കരാറുകളുമായി ബന്ധപ്പെട്ട 4 ഓഹരികളെയാണ് ചുവടെ ചേർക്കുന്നത്.
ആർവിഎൻഎൽ
റെയിൽവേ അടിസ്ഥാന സൗകര്യ വികസനത്തിന് ലക്ഷ്യമിട്ട് 2003-ൽ കേന്ദ്രസർക്കാർ രൂപീകരിച്ച പൊതുമേഖല സ്ഥാപനമാണ് റെയിൽ വികാസ് നിഗം ലിമിറ്റഡ് അഥവാ ആർവിഎൻഎൽ (BSE : 542649, NSE : RVNL). റെയിൽവേ വൈദ്യുതീകരണം, ഗേജ് മാറ്റം, പുതിയ പാതകൾ, പാലം എന്നിങ്ങനെയുള്ള പദ്ധതികളിലാണ് കമ്പനി ശ്രദ്ധകേന്ദ്രീകരിച്ചിട്ടുള്ളത്. നിലവിൽ 124 രൂപ നിലവാരത്തിലാണ് ആർവിഎൻഎൽ ഓഹരികൾ വ്യാപാരം ചെയ്യപ്പെടുന്നത്.
റഷ്യയുടെ സിജെഎസ്‍സി ട്രാൻസ്മാഷ്ഹോൾഡിങ്സ് കമ്പനിയും ആർവിഎൻഎല്ലുമായുള്ള സംയുക്ത സംരംഭം 200 വന്ദേ ഭാരത് ട്രെയിനുകൾ നിർമിക്കാനുള്ള കരാർ ഇതിനകം നേടിയിട്ടുണ്ട്. 58,000 കോടിയാണ് കരാർ തുക. ഇതിനോടൊപ്പം അടുത്ത 35 വർഷത്തേക്ക് 120 ട്രെയിനുകൾ നിർമിക്കാനും വിതരണം ചെയ്യാനും പരിപാലിക്കാനുമുള്ള കരാറുകളും സ്വന്തമാക്കിയിട്ടുണ്ട്.
ബിഇഎംഎൽ
ഖനന നിർമാണ മേഖലയിലേക്ക് ആവശ്യമായ വിവിധ ശ്രേണിയിലുള്ള വൻകിട ഉപകരണങ്ങളും യന്ത്രങ്ങളും നിർമിക്കുന്ന പൊതുമേഖലാ സ്ഥാപനമാണ് ബിഇഎംഎൽ (BSE : 500048, NSE : BEML). ഇതിനോടൊപ്പം പ്രതിരോധ മേഖലയിലേക്കും ഇന്ത്യൻ റെയിൽവേയ്ക്കു വേണ്ടി മെട്രോ കോച്ചുകളും നിർമിക്കുന്നുണ്ട്. ഇതിനകം 10 വന്ദേ ഭാരത് ട്രെയിനുകളുടെ രൂപകൽപനയിലും നിർമാണത്തിലും കമ്മീഷനിങ്ങിനും വേണ്ടി 675 കോടിയുടെ കരാർ നേടിയിട്ടുണ്ട്. നിലവിൽ 2,000 രൂപ നിലവാരത്തിലാണ് ബിഇഎംഎൽ ഓഹരികൾ വ്യാപാരം ചെയ്യപ്പെടുന്നത്.
ഭെൽ
സംയോജിത ഊർജോത്പാദന നിലയങ്ങളിലേക്ക് ആവശ്യമായ ഉപകരണങ്ങൾ നിർമിക്കുന്ന പൊതുമേഖല കമ്പനിയാണ് ഭാരത് ഹെവി ഇലക്ട്രിക്കൽസ് ലിമിറ്റഡ് അഥവാ ഭെൽ (BSE : 500103, NSE : BHEL). വന്ദേ ഭാരതിന്റെ സ്ലീപ്പർ വിഭാഗത്തിലുള്ള 80 ട്രെയിനുകൾ നിർമിക്കുന്നതിനായി ഇന്ത്യൻ റെയിൽവേ 23,000 കോടിയുടെ കരാർ ഭെല്ലിന് നൽകിയിട്ടുണ്ട്. അതുപോലെ 35 വർഷത്തേക്ക് ട്രെയിനുകളുടെ പരിപാലനത്തിനുള്ള കരാറുകളും ഭെല്ലിന് നൽകിയിട്ടുണ്ട്. കൂടാതെ ട്രെയിനുകളുടെ സംയോജനവും പരീക്ഷണവും കമ്മീഷനിങ്ങും പരിപാലനത്തിനുമായി ഭെല്ലും ടിറ്റാഗർ വാഗണും സംയുക്തമായി ചേ‌‌ർന്ന് മറ്റൊരു സംരംഭവും ആരംഭിക്കാൻ പോകുകയാണ്. നിലവിൽ 100 രൂപയിലാണ് ഭെൽ ഓഹരികൾ വ്യാപാരം ചെയ്യപ്പെടുന്നത്.
സീമെൻസ്
വ്യവസായിക ആവശ്യങ്ങൾക്കുള്ള യന്ത്രവത്കരണം, നിയന്ത്രണ സംവിധാനങ്ങൾ നിർമിക്കുന്ന പ്രശസ്ത ബഹുരാഷ്ട്ര കമ്പനിയാണ് സീമെൻസ് ലിമിറ്റഡ് (BSE : 500550, NSE : SIEMENS). ചരക്ക് തീവണ്ടികൾക്കു ആവശ്യമായ 1,200 വൈദ്യുത എൻജിൻ നിർമിക്കുന്നതിനുള്ള 325 കോടി ഡോളറിന്റെ കരാർ നേടിയിട്ടുണ്ട്. 35 വർഷത്തേക്കുള്ള പരിപാലന കരാറും കമ്പനി സ്വന്തമാക്കിയിട്ടുണ്ട്. അടുത്ത 11 വർഷത്തേക്ക് 9,000 കുതിര ശക്തിയും പരമാവധി 120 കിലോമീറ്റർ വേഗതയുമുള്ള ലോക്കോമോട്ടീവ് വികസിപ്പിക്കാനുള്ള കാരറും നേടിയിട്ടുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
