മലപ്പുറം : കരിപ്പൂരിൽ സ്വർണക്കടത്തുകാർക്ക് ഒത്താശ ചെയ്ത കസ്റ്റംസ് സൂപ്രണ്ട് പോലീസ് ക്‌സറ്റഡിയില്‍. വിമാനത്താവളത്തിലെ കസ്റ്റംസ് സൂപ്രണ്ട് പി.മുനിയപ്പനാണ് പിടിയിലായത്. സ്വർണം കടത്തിയ കാരിയറിനെ സഹായിക്കുന്നതിനിടയിലാണ് ഇയാൾ പോലീസിന്‍റെ പിടിയിലായത്. 320 ഗ്രാം സ്വർണം പുറത്തെത്തിക്കാൻ സൂപ്രണ്ട് സഹായിച്ചു എന്നാണ് പോലീസ് നൽകുന്ന വിവരം.
രണ്ട് യാത്രക്കാരിൽ നിന്നും ലഭിച്ച വിവരത്തിന്‍റെ അടിസ്ഥാനത്തിലാണ് നടപടി. മുനിയപ്പന്‍റെ താമസസ്ഥലത്ത് നടത്തിയ പരിശോധനയിൽ നാല് ലക്ഷം രൂപയും കണ്ടെടുത്തു. കരിപ്പൂർ പോലീസിന്‍റെ കസ്റ്റഡിയിലുള്ള മുനിയപ്പനെ തുടർ നടപടികൾക്കായി കസ്റ്റംസിന് കൈമാറും.
