തിരുവനന്തപുരം : മന്ത്രി വി.ശിവന്‍കുട്ടിയെ വിമർശിച്ച് കെ.പി.സി.സി പ്രസിഡന്റ് കെ.സുധാകരന്‍. തറ ഗുണ്ട കേരളത്തിന്റെ വിദ്യാഭ്യാസമന്ത്രിയായി എന്നായിരുന്നു സുധാകരന്റെ ആക്ഷേപം. നിയമസഭ കയ്യാങ്കളി കേസില്‍ വിചാരണ നേരിടണമെന്ന് കോടതി പറഞ്ഞ മന്ത്രി വി.ശിവന്‍കുട്ടി രാജിവയ്ക്കണമെന്നാവശ്യപ്പെട്ട് നടന്ന യു.ഡി.എഫ് ധര്‍ണ ഉദ്ഘാടനം ചെയ്യുകയായിരുന്നു സുധാകരന്‍.
ആഭാസത്തരം മാത്രമാണ് കൈമുതല്‍. മുഖ്യമന്ത്രി പിണറായി വിജയന്‍ മറ്റൊരു ശിവന്‍കുട്ടിയാണ്. അതു കൊണ്ടാണ് അദ്ദേഹം ന്യായീകരിക്കുന്നത്. ശിവന്‍കുട്ടിയെ സംരക്ഷിക്കുന്ന സി.പിഎ.മ്മിന് നാണവും മാനവുമില്ലെന്നും കെ.സുധാകരന്‍ പറഞ്ഞു.
