തിരുവനന്തപുരം : അതിര്ത്തികള് അടയ്ക്കരുതെന്ന് സംസ്ഥാനങ്ങള്ക്ക് നിര്ദേശം നല്കി കേന്ദ്ര സര്ക്കാര്. തലശ്ശേരി കൂര്ഗ് പാതയിലെ കര്ണാടക അതിര്ത്തി മണ്ണിട്ടടച്ച നടപടി ഒഴിവാക്കാന് ഇടപെടണമെന്ന് ആവശ്യപ്പെട്ട് മുഖ്യമന്ത്രി പ്രധാനമന്ത്രിക്ക് അയച്ച കത്തിന്റെ അടിസ്ഥാനത്തിലാണ് നടപടി. സദാനന്ദ ഗൗഡയെ നടപടി ഉറപ്പാക്കാന് ചുമതലപ്പെടുത്തിയിട്ടുണ്ട്.
കേരളത്തിലേക്കുള്ള ചരക്കുനീക്കത്തിന്റെ പ്രധാനപ്പെട്ട പാതയാണ് തലശ്ശേരി കൂര്ഗ് പാത. അവശ്യ സാധനങ്ങളുടെ ചരക്കുനീക്കം സ്തംഭിപ്പിക്കില്ലെന്ന് പ്രധാനമന്ത്രി തന്നെ ഉറപ്പുനല്കിയ കാര്യവും ചൂണ്ടിക്കാട്ടിയാണ് മുഖ്യമന്ത്രി പ്രധാനമന്ത്രിക്ക് കത്ത് നല്കിയത്. ഇതിന് പിന്നാലെയായിരുന്നു കേന്ദ്രത്തിന്റെ നടപടി.