കോന്നി : രാജ്യത്തെ കുത്തക മുതലാളിമാർക്ക് വേണ്ടി ബി ജെ പി ഭരിക്കുന്ന കേന്ദ്ര സർക്കാർ പ്രവർത്തിക്കുകയാണെന്ന് സി പി ഐ സംസ്ഥാന കൗൺസിൽ അംഗം പി ആർ ഗോപിനാഥൻ പറഞ്ഞു. കേന്ദ്ര സർക്കാരിന്റെ ചങ്ങാത്ത മുതലാളിത്വത്തിന് എതിരെയും കോർപറേറ്റ് പ്രീണന നയങ്ങൾക്ക് എതിരെയും സി പി ഐ കോന്നി മണ്ഡലം കമ്മറ്റിയുടെ നേതൃത്വത്തിൽ സംഘടിപ്പിച്ച സായാഹ്ന ധർണ്ണ ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. ലോകത്ത് പലയിടത്തും ഇത്തരം കൂട്ട്കെട്ടുകൾ കണ്ടിട്ടുണ്ട്. കുത്തക മുതലാളികൾക്ക് വേണ്ടി പ്രവർത്തിക്കുകയാണ് കേന്ദ്രം. മതേതരത്വ സോഷ്യലിസ്റ്റ് നിലപാട് ഭരണ ഘടനയിൽ നിന്ന് ഒഴിവാക്കണം എന്നാണ് ബി ജെ പി പറയുന്നത്. നരേന്ദ്ര മോദി ഭരണത്തിൻ കീഴിൽ രാജ്യത്ത് ശതകോടീശ്വരൻമാരുടെ എണ്ണം വർധിച്ചുവെന്നും അദ്ദേഹം കൂട്ടി ചേർത്തു സി പി ഐ കോന്നി മണ്ഡലം സെക്രട്ടറി കെ രാജേഷ് അധ്യക്ഷത വഹിച്ചു. സി പി ഐ കോന്നി മണ്ഡലം അസിസ്റ്റന്റ് സെക്രട്ടറി എ ദീപകുമാർ, ജില്ലാ കൗൺസി അംഗങ്ങൾ ആയ വിജയ വിൽസൺ, സുമതി നരേന്ദ്രൻ, മണ്ഡലം സെക്രട്ടെറിയേറ്റ് അംഗം കെ സന്തോഷ്‌, സി പി ഐ കോന്നി ലോക്കൽ സെക്രട്ടറി സി ജെ റെജി, തണ്ണിത്തോട് ലോക്കൽ സെക്രട്ടറി പി സി ശ്രീകുമാർ, തേക്കുതോട് ലോക്കൽ സെക്രട്ടറി ഷാജി, കിസാൻ സഭ കോന്നി മണ്ഡലം സെക്രട്ടറി തുളസി, ഗ്രാമ പഞ്ചായത്ത്‌ അംഗം ജോയ്‌സ് എബ്രഹാം, ഡോ രാജൻ തുടങ്ങിയവർ സംസാരിച്ചു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
