പത്തനംതിട്ട : നഗരസഭാ ചെയര്‍മാന്‍ അഡ്വ. ടി. സക്കീര്‍ ഹുസൈനും മകനും തിരുവനന്തപുരം ലോകോളജ് വിദ്യാര്‍ഥിയുമായ ആസിഫ് സക്കീറും തമ്മില്‍ നടന്ന പ്രദര്‍ശന ചെസ് മത്സരം കാണികള്‍ക്ക് ആഹ്ലാദനിമിഷം സമ്മാനിച്ചു. സംസ്ഥാന മന്ത്രിസഭാ വാര്‍ഷികാഘോഷത്തിന്റെ ഭാഗമായി പത്തനംതിട്ട ജില്ലാ സ്റ്റേഡിയത്തില്‍ സംഘടിപ്പിക്കുന്ന എന്റെ കേരളം മേളയുടെ പ്രചാരണത്തിന്റെ ഭാഗമായി ജില്ലാ സ്പോര്ട്സ് കൗണ്‍സിന്റെ ആഭിമുഖ്യത്തില്‍ ജില്ലാ ഇന്‍ഫര്‍മേഷന്‍ ഓഫീസിന്റെ സഹകരണത്തോടെ പത്തനംതിട്ട ജില്ലാ സ്റ്റേഡിയത്തിലെ കൊച്ചീപ്പന്‍ മാപ്പിള ഹാളിലായിരുന്നു ചെസ് മത്സരം സംഘടിപ്പിച്ചത്. ചെസ് മത്സരം നഗരസഭ ചെയര്‍മാന്‍ അഡ്വ. ടി. സക്കീര്‍ ഹുസൈന്‍ ഉദ്ഘാടനം ചെയ്ത വേദിയില്‍ നടന്ന പ്രദര്‍ശന മത്സരത്തിലാണ് അച്ഛനും മകനും കരുക്കള്‍ നീക്കിയത്. മത്സരത്തില്‍ മകന്‍ ആസിഫ് സക്കീര്‍ ജയിച്ചു.
കേരളത്തിലെ സാമൂഹ്യ ജീവിതം മെച്ചപ്പെടുത്തുന്നതിന് വലിയ ഇടപെടലുകളാണ് സംസ്ഥാന സര്‍ക്കാര്‍ നടത്തി വരുന്നതെന്നും, ഇവയെല്ലാം നവ കേരള സൃഷ്ടി ലക്ഷ്യമാക്കിയുള്ളതാണെന്നും ചെയര്‍മാന്‍ പറഞ്ഞു. ഈ നവകേരള സൃഷ്ടിക്ക് ജനങ്ങളുടെ പങ്കാളിത്തവും സഹകരണവും അത്യാവശ്യമാണ്. സര്‍ക്കാരിന്റെ പ്രവര്‍ത്തനങ്ങള്‍ ഭംഗിയായി നടക്കുന്നതിനും അതിന്റെ ഗുണഫലങ്ങള്‍ ജനങ്ങളില്‍ എത്തിക്കുന്നതിനും വേണ്ടിയാണ് എന്റെ കേരളം പ്രദര്‍ശന വിപണന മേള സംഘടിപ്പിക്കുന്നതെന്നും അദ്ദേഹം പറഞ്ഞു.
ചടങ്ങില്‍ ജില്ലാ സ്പോര്ട്സ് കൗണ്‍സില്‍ പ്രസിഡന്റ് കെ. അനില്‍ കുമാര്‍ അധ്യക്ഷത വഹിച്ചു. സംഘടക സമിതി അംഗം ഉഷാകുമാരി ആശംസ അര്‍പ്പിച്ചു. പത്തനംതിട്ട മാര്‍ത്തോമാ ഹയര്‍ സെക്കന്‍ഡറി സ്‌കൂള്‍, സെവന്ത്‌ഡേ അഡ്വന്റിസ്റ്റ് ഹയര്‍ സെക്കന്‍ഡറി സ്‌കൂള്‍, പ്രമാടം നേതാജി ഹയര്‍ സെക്കന്‍ഡറി സ്‌കൂള്‍, ചെന്നീര്‍ക്കര കേന്ദ്രീയ വിദ്യാലയം എന്നിവിടങ്ങളിലെ കുട്ടികളാണ് മത്സരത്തില്‍ പങ്കെടുത്തത്. യുവ റാം ആദി അരുണ്‍( സെവന്ത്‌ഡേ അഡ്വന്റിസ്റ്റ് ഹയര്‍ സെക്കന്‍ഡറി സ്‌കൂള്‍)ഒന്നാം സ്ഥാനവും, ആദില്‍ പ്രസുണ്‍ രണ്ടാം സ്ഥാനവും (ചെന്നീര്‍ക്കര കേന്ദ്രീയ വിദ്യാലയം ), എ.വി. ശ്രീഗണേഷ് (പ്രമാടം നേതാജി ഹയര്‍ സെക്കന്‍ഡറി സ്‌കൂള്‍) മൂന്നാം സ്ഥാനവും കരസ്ഥമാക്കി.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
