റാന്നി: കേരള പുനർ നിർമ്മാണ പദ്ധതിയിൽ ഉൾപ്പെടുത്തിയ അത്തിക്കയം – കടുമീൻചിറ റോഡിന്റെ രണ്ടാംഘട്ട നിർമ്മാണം എസ് എൻ സ്കൂൾ ജംഗ്ഷൻ മുതൽ കടുമീൻചിറ വരെ പുരോഗമിക്കുന്നു. ടാറിങ് ഉണ്ടായിരുന്ന ഭാഗങ്ങൾ ഇളക്കിയ ശേഷം രണ്ടു പാളികളായി ജി.എസ്.പി വിരിച്ചു സിമന്റ് ചേർത്ത് ഉറപ്പിച്ചു കഴിഞ്ഞു. കോൺക്രീറ്റ് ചെയ്തിരുന്ന ഭാഗങ്ങളിൽ ഫൈനൽ കോൺക്രീറ്റ് മാത്രമാകും ഉണ്ടാകുക. ജനങ്ങളുടെ യാത്രാ സൗകര്യം പരിഗണിച്ച് മൂന്ന് ഘട്ടങ്ങളായാണ് റോഡ് നിർമ്മാണം നടക്കുന്നത്. ആദ്യ ഘട്ടമായി അത്തിക്കയം കൊച്ചുപാലം മുതൽ എസ്.എൻ സ്കൂൾ ജംഗ്ഷൻ വരെ നേരത്തെ കോൺക്രീറ്റ് ചെയ്തിരുന്നു. ഇരുവശങ്ങളും ഐറിഷ് ചെയ്യുകയും ചെയ്തു.
രണ്ടാം ഘട്ടമായി നിലവിൽ നിർമ്മാണം നടക്കുന്ന എസ്.എൻ സ്കൂൾ പടി മുതൽ കടുമീൻചിറ ഇലവുങ്കൽ പടി വരെ കോൺക്രീറ്റ് ചെയ്യും. മൂന്നാം ഘട്ടമായി 40 വർഷത്തോളം പഴക്കമുള്ള അത്തിക്കയം കൊച്ചുപാലം പൊളിച്ചു പുനർനിർമ്മിക്കും. നിലവിൽ ഉള്ളതിനേക്കാൾ അൽപ്പം കൂടി ഉയർത്തിയാകും പാലം നിർമ്മിക്കുക. പ്രളയകാലത്തു കൊച്ചുപാലം വെള്ളം മൂടുന്നതിന് പരിഹാരമായാണിത്. ഇതോടൊപ്പം കേരള പുനർ നിർമ്മാണ പദ്ധതിയിൽ ഉൾപ്പെടുത്തിയ പെരുന്തേനരുവി- കുരുമ്പൻമൂഴി റോഡ് നിർമ്മാണവും പുരോഗമിക്കുന്നുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
