റാന്നി: മണ്ണെടുത്തു നീക്കിയ സ്ഥലത്തുനിന്നും കനത്തമഴയില് പ്രധാന റോഡിലേക്ക് ഒഴുകിയെത്തിയ പച്ച മണ്ണ് യാത്രക്കാര്ക്ക് ദുരിതമായി മാറുന്നു. മുക്കട-ഇടമണ്-അത്തിക്കയം എം.എല്.എ റോഡില് ഇടമുറി പാറേക്കടവിന് സമീപം പുല്ലമ്പള്ളിപ്പടിയിലാണ് വാഹന കാല്നടയാത്രികരെ ദുരിതത്തിലാക്കിയ ചെളിക്കെട്ട് രൂപപെട്ടത്. ഇരുചക്ര വാഹനങ്ങളിലെത്തുന്നവര് തെന്നി വീണ് പരിക്കേല്ക്കുന്നത് പതിവായി.
റോഡിന് മുകള്വശത്തായി സ്വകാര്യ വ്യക്തി വസ്തു ഫ്ലോട്ടുകളായി തിരിക്കാന് മണ്ണുമാന്തിയന്ത്രം ഉപയോഗിച്ച് നിരപ്പാക്കിയതോടെയാണ് നാട്ടുകാരുടെ ദുരിതം ആരംഭിച്ചത്. ഇവിടെ നിന്നും മഴയത്തു ഒഴുകിയെത്തിയ പച്ചമണ്ണും ചെളിയും റോഡില് കുന്നുകൂടുകയായിരുന്നു. ഇരുചക്ര വാഹനങ്ങള് ഈ ചെളിയില് പൂണ്ട് അപകടത്തില്പെടുകയാണ്. മണ്ണെടുത്തു മാറ്റിയ വ്യക്തിയെ നാട്ടുകാര് സമീപിച്ച് ചെളി മാറ്റാന് ആവശ്യമുന്നയിച്ചെങ്കിലും നിഷേധാത്മക നിലപാടാണ് സ്വീകരിച്ചതെന്ന് പറയുന്നു.
കാലത്തു മണ്ണും ചെളിയും നീക്കിയാലും വൈകിട്ട് മഴ പെയ്യുന്നതോടെ വീണ്ടും പഴയപടിയാവും. ഇതറിയാതെ രാത്രിയിലെത്തുന്ന ഇരുചക്ര വാഹനയാത്രികര് അപകടത്തില്പെടുന്നത് പതിവാണെന്ന് പ്രദേശവാസികള് പറയുന്നു. ശബരിമല തീര്ത്ഥാടകരുടെ വലിയ വാഹനങ്ങള് എരുമേലിയില് നിന്നും പമ്പയ്ക്കു പോകുന്നതിന് ഉപയോഗിക്കുന്ന പാതയാണിത്. റോഡില് അടിഞ്ഞുകൂടിയ ചെളി വലിയ അപകടം വരുത്തിവെക്കാന് സാധ്യതയേറെയാണ്. പൊതുമരാമത്ത് അധികൃതര് ഇടപെട്ട് പ്രശ്നത്തിന് പരിഹാരമുണ്ടാക്കണമെന്ന് നാട്ടുകാര് ആവശ്യപ്പെട്ടു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033