പത്തനംതിട്ട : വീട്ടില്‍ പോര്‍ച്ചില്‍ ഇരുന്ന വണ്ടിക്കും പെറ്റിയടിച്ച് മോട്ടോര്‍ വാഹന വകുപ്പ്. ഇന്ന് ഉച്ചക്ക് 12.40 ന് ആനന്ദപ്പള്ളിയിലാണ് സംഭവം. ആനന്ദപ്പള്ളി പുത്തന്‍കണ്ടത്തില്‍ റെനി കെ.ജോണിന്റെ വീടിന്റെ മുമ്പില്‍ക്കൂടി പോയ മോട്ടോര്‍ വാഹന വകുപ്പ് ഉദ്യോഗസ്ഥര്‍ പോര്‍ച്ചില്‍ ബുള്ളറ്റ് മോട്ടോര്‍ സൈക്കിള്‍ ഇരിക്കുന്നത് കണ്ട് തിരികെയെത്തി വാഹനം പരിശോധിക്കുകയും ചിത്രങ്ങള്‍ പകര്‍ത്തുകയുമായിരുന്നു. വാഹനത്തിന്റെ സൈലന്‍സര്‍ രൂപഭേദം വരുത്തി എന്ന കുറ്റം ചുമത്തി ഇവര്‍ പെറ്റിയടിച്ചു. താമസിയാതെ ഉടമക്ക് മെസ്സേജും കിട്ടി. 7000 രൂപാ ഫൈന്‍ അടക്കാനാണ് നിര്‍ദ്ദേശം. മോട്ടോര്‍ വാഹന വകുപ്പിന്റെ പത്തനംതിട്ടയിലെ എന്‍ഫോഴ്സ്മെന്റ് വിഭാഗമാണ്‌ പരിശോധന നടത്തിയത്. ആനന്ദപ്പള്ളി പുത്തന്‍കണ്ടത്തില്‍ റെനി കെ.ജോണിന്റെ പേരിലുള്ളതാണ് ഈ വാഹനം.
സ്വകാര്യ സ്ഥലത്ത് പാര്‍ക്ക് ചെയ്തിരിക്കുന്ന വാഹനം പരിശോധിച്ച് പിഴ ഈടാക്കാനുള്ള അനുവാദം ഇല്ലെന്നും ഇങ്ങനെ ഒരു ഉത്തരവ് സര്‍ക്കാര്‍ ഇറക്കിയിട്ടില്ലെന്നും പത്തനംതിട്ട ആര്‍.റ്റി.ഒ ഡിലു എ.കെ പറഞ്ഞു. എന്നാല്‍ കൈകാണിച്ചിട്ട് വാഹനം നിര്‍ത്താതെ പോകുകയോ ഏതെങ്കിലും തരത്തിലുള്ള കുറ്റകൃത്യത്തില്‍ വാഹനം അകപ്പെടുകയോ ചെയ്തിട്ടുണ്ടെങ്കില്‍ വാഹനം സ്വകാര്യ സ്ഥലത്ത് കയറി പരിശോധിക്കുകയും നിയമപരമായ നടപടികള്‍ സ്വീകരിക്കുകയും ചെയ്യാമെന്ന് അദ്ദേഹം പറഞ്ഞു. എന്നാല്‍ പരിശോധന നടത്തിയ ഉദ്യോഗസ്ഥന്‍ പറഞ്ഞത് തികച്ചും വിഭിന്നമാണ്. സ്വകാര്യ സ്ഥലത്ത് കയറി പരിശോധന നടത്താമെന്നും പിഴ ഈടാക്കാമെന്നും ഇദ്ദേഹം ഉറപ്പിച്ചു പറയുന്നു. ഈ വാഹനത്തെ സംബന്ധിച്ച് പരാതികള്‍ ഒന്നും ഉണ്ടായിരുന്നില്ലെന്നും റോഡില്‍ക്കൂടി പോകുമ്പോള്‍ വാഹനം കണ്ടതുകൊണ്ട് പരിശോധന നടത്തിയതാണെന്നും പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
