റാന്നി: ആംബുലൻസ് നിയന്ത്രണംവിട്ട് മറിഞ്ഞ് അതിലുണ്ടായിരുന്ന രോഗി മരിച്ചു. മുക്കട മരംകൊള്ളിയിൽ ഗീതമ്മ ബേബിച്ചൻ (60) ആണ് മരിച്ചത്. ഹൃദ യാഘാതമാണ് മരണകാരണമെന്ന് മൃതദേഹം പോസ്റ്റുമോര്‍ട്ടം നടത്തിയ ഡോക്ടർ അറിയിച്ചതായി റാന്നി പോലീസ് പറഞ്ഞു. ശനിയാഴ്ച പുലർച്ചെ ഒന്നരയോടെ പുനലൂര്‍ മൂവാറ്റുപുഴ സംസ്ഥാനപാതയിൽ വലിയപറമ്പിൽ പടിക്ക് സമീപത്തായിരുന്നു അപകടം. കഠിനമായ നെഞ്ചുവേദനയും ശ്വാസമുട്ടലുമായി ഗീതമ്മയെ മന്ദരുതിയിലെ സ്വകാര്യ ആശുപത്രിയിൽ എത്തിച്ചു. അവിടെനിന്ന് വിദഗ്ധ ചികിത്സയ്ക്കായി ആംബുലൻസിൽ ഓക്സസിജനും നൽകി റാന്നിയിലെ സ്വകാര്യ ആശുപത്രിയിലേക്ക് പോകും വഴിയാണ് ആംബുലൻസ് നിയന്ത്രണംവിട്ട് റോഡിൽ മറിഞ്ഞത്. പിന്നാലെ മറ്റൊരുവാഹനത്തിൽ എത്തിയ ബന്ധുക്കൾ ഗീതയെ ആശുപത്രിയിൽ എത്തിച്ചെങ്കിലും മരിച്ചു. അപകടത്തിൽ ഗീതയ്ക്ക് സാരമായി പരിക്കേറ്റിരുന്നതായി പോലീസ് പറഞ്ഞു. ആംബുലൻസിൽ ഒപ്പമുണ്ടായിരുന്ന മകൻ സുരേഷിനും മരുമകൾ ജോമോൾക്കും നിസാരമായ പരിക്കുകളുണ്ട്. ഭർത്താവ്; രാജപ്പന്‍. മക്കൾ: സുരേഷ്, സതീഷ്. മരുമക്കൾ: ജോമോള്‍. സംസ്കാരം തിങ്കളാഴ്ച 12-ന് പേമരുതി ഡി ആർ.എം. സെമിത്തേരിയിൽ.
സംസ്ഥാന സര്ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
