പത്തനംതിട്ട: പണയം വെച്ച സ്വര്‍ണ്ണം തിരികെ കൊടുക്കാതെ വീട്ടമ്മയെ കബളിപ്പിച്ചെന്ന പരാതിയില്‍ സ്വകാര്യ പണമിടപാട് സ്ഥാപനത്തിനും ഉടമയ്ക്കുമെതിരെ ഉപഭോക്ത കോടതിയുടെ വിധി. അടൂർ വടക്കേടത്തുകാവ് ഇടപടിക്കൽ വീട്ടിൽ സാറാമ്മ അലക്സ് ഫയൽ ചെയ്ത കേസിലാണ് വിധി. 189 ഗ്രാം സ്വർണ്ണത്തിന്റെ ഇപ്പോഴത്തെ വിലയായ 10,48,005 രൂപയും നഷ്ടപരിഹാരമായി 25,000 രൂപയും കോടതി ചിലവിനത്തിൽ 5,000 രൂപയും ചേർത്ത് 10,83,000 രൂപ ഒരു മാസത്തിനകം ഹർജിക്കാരിക്ക് കൊടുക്കാൻ ഉത്തരവുണ്ടായത്.
ഭർത്താവിന്റെ ചികിത്സയുടെ ആവശ്യത്തിലേക്കായി പത്തനംതിട്ട കളിക്കൽ ഫൈനാൻസിയേഴ്സ് നടത്തുന്ന കെ.ജി.ഹരികുമാറില്‍ നിന്നും 189 സ്വർണ്ണം പണയംവെച്ച് 2013, 2014, 2015 വർഷങ്ങളിലായി 4,80,000 രൂപ ലോണായി എടുത്തിരുന്നു. സ്വർണ്ണപണയത്തിന്റെ പലിശയിനത്തിൽ ഹർജികക്ഷി 5,000 രൂപാ വെച്ച് എതിർകക്ഷിക്ക് മാസം കൊടുക്കുമായിരുന്നു. മകളുടെ വിവാഹ ആവശ്യത്തിനുവേണ്ടി പണയ ഉരുപ്പടികൾ തിരിച്ചെടുക്കാൻ ഫൈനാൻസിൽ ചെന്നപ്പോൾ പലിശ കൂട്ടി നോക്കാൻ എന്നും പറഞ്ഞ് മൂന്ന് പണയരസീതുകളും എതിർകക്ഷി തിരിച്ചു വാങ്ങിയിരുന്നു.
പണയ ഉരുപ്പടിയുടെ രസീതുകൾ തിരിച്ചുവാങ്ങുന്ന സമയം എതിർകക്ഷിയുടെ അഭിഭാഷകനും ഉണ്ടായിരുന്നു. എന്നാൽ പണയ ഉരുപ്പടികൾ തിരിച്ചെടുക്കാൻ വേണ്ടി വീണ്ടും ഫൈനാൻസിയേഴ്സിൽ ചെല്ലുമ്പോൾ എതിർകക്ഷി ഹരികുമാർ വീണ്ടും രസീതുകൾ ചോദിയ്ക്കുകയും നേരത്തേ രസീതുകൾ തന്നില്ലായെന്നു കളളം പറയുകയും നിങ്ങൾ ഇവിടെ സ്വർണ്ണം പണയം വെച്ചിട്ടില്ലായെന്നും പറഞ്ഞ് ഹർജികക്ഷിയെ പറഞ്ഞു വിടുകയാണ് ചെയ്തത്.
എതിർകക്ഷിയുടെ ഈ പ്രവൃത്തിക്കെതിരെയാണ് ഹർജികക്ഷി കമ്മീഷനിൽ അന്യായം ഫയൽ ചെയ്തത്. ഹർജി ഫയലിൽ സ്വീകരിച്ച കമ്മീഷൻ എതിർകക്ഷിയ്ക്ക് നോട്ടീസ് അയയ്ക്കുകയും ആവശ്യമായ തെളിവെടുപ്പുകൾ നടത്തുകയും ചെയ്തു. കമ്മീഷൻ രസീതുകൾ എതിർകക്ഷിക്കു കൊടുക്കുമ്പോൾ സാന്നിദ്ധ്യമുണ്ടായിരുന്ന അഭിഭാഷകനെ വിസ്തരിക്കുകയും അഭിഭാഷകന്റെ കൂടി മൊഴിയുടെ അടിസ്ഥാനത്തിൽ എതിർകക്ഷി കുറ്റക്കാരനാണെന്നു കണ്ടെത്തുകയും ചെയ്തു. ഉപഭോക്തൃ തർക്കപരിഹാര കമ്മീഷൻ പ്രസിഡന്റ് ബേബിച്ചൻ വെച്ചൂച്ചിറ, മെമ്പർമാരായ എൻ. ഷാജിതാ ബീവി, നിഷാദ് തങ്കപ്പൻ എന്നിവർ ചേർന്നാണ് വിധി പ്രഖ്യാപിച്ചത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
