റാന്നി: കേരളത്തിലെ പൊതുവിദ്യാഭ്യാസ രംഗം ഗുണപരമായ പരിവർത്തനങ്ങളിലൂടെയാണ് മുന്നോട്ട് പോകുന്നതെന്ന് മന്ത്രി സജി ചെറിയാൻ പറഞ്ഞു. വെച്ചൂച്ചിറയിൽ സംസ്ഥാന അധ്യാപക അവാർഡ് ജേതാവ് സാബു പുല്ലാട്ടിനെയും പുരസ്കാരം നേടിയ എണ്ണൂറാം വയൽ സി. എം. എസ് സ്‌കൂളിനെയും ആദരിക്കാൻ ചേര്‍ന്ന യോഗം ഉദ്ഘാടനം ചെയ്യുകയായിരുന്നു അദ്ദേഹം.
കുട്ടികളിൽ ഗുണപരമായ മാറ്റങ്ങൾ ഉണ്ടാക്കുവാൻ കഴിയുക അധ്യാപകർക്ക് മാത്രമാണ്. നമ്മുടെ നാട്ടിലെ അധ്യാപകരെ സ്വേച്ഛാധിപതി, ജനാധിപത്യ വാദി, ഉദാസീനൻ എന്നിങ്ങനെ പൊതുവെ മൂന്ന് വിഭാഗമായി തിരിക്കാമെന്നും അദ്ദേഹം പറഞ്ഞു. ജാതി, മത, സാമൂഹിക, സാമ്പത്തിക വേർതിരിവ് കൂടാതെ തന്റെ മുന്നിലുള്ള കുട്ടിയുടെ ശാരീരികവും മാനസികവുമായ കഴിവുകളെ വളർത്തുവാൻ കഴിയുന്ന ജനാധിപത്യ വാദികളായി നമ്മുടെ അധ്യാപകർ മാറണമെന്നും അദ്ദേഹം വ്യക്തമാക്കി.
ഗ്രാമപഞ്ചായത്തും സ്കൂൾ പി.ടി.എയും ചേർന്നാണ് യോഗം സംഘടിപ്പിച്ചത്. ഗ്രാമ പഞ്ചായത്ത്‌ പ്രസിഡന്റ്‌ ടി കെ ജെയിംസ് അധ്യക്ഷത വഹിച്ചു. മുൻ എം. എൽ. എ. രാജു എബ്രഹാം മുഖ്യ പ്രഭാഷണം നടത്തി. ബ്ലോക്ക് പഞ്ചായത്ത്‌ സ്ഥിരം സമിതി അധ്യക്ഷൻ സതീഷ് കെ പണിക്കർ, പഞ്ചായത്ത്‌ വൈസ് പ്രസിഡന്റ്‌ പൊന്നമ്മ ചാക്കോ, പഞ്ചായത്ത്‌ സ്ഥിരം സമിതി അധ്യക്ഷ എസ്. രമാദേവി, റവ. സോജി വർഗീസ് ജോൺ,ഗ്രാമപഞ്ചായത്ത്‌ അംഗങ്ങളായ ഷാജി കൈപ്പുഴ, ടി കെ രാജൻ, രാജി വിജയകുമാർ, ആർ. വരദരാജൻ, ഷാജി തോമസ്, ഷൈനു ചാക്കോ, ഡോ. മനു വർഗീസ്, അലക്സ്‌ തെക്കെപ്പറമ്പിൽ, സാം സി. മാത്യു, കെ. ശ്രീകുമാർ, ആന്റച്ചൻ ഇലവുങ്കൽ എന്നിവർ പ്രസംഗിച്ചു. സംസ്ഥാന അധ്യാപക അവാർഡ് ജേതാവ് സാബു പുല്ലാട്ടിന് ഗ്രാമപഞ്ചായത്തിന്റെയും സ്കൂൾ പിടിഎയുടെയും ഉപഹാരങ്ങൾ മന്ത്രി സജി ചെറിയാൻ സമ്മാനിച്ചു.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
