കോട്ടയം : റബര്‍ ഉത്പാദന സീസണ്‍ ആയതോടെ സംഘടിതമായി വില കുറയ്ക്കാൻ ടയര്‍ കമ്പനികള്‍ ശ്രമം തുടങ്ങി. ആഗസ്റ്റ് മുതല്‍ ഫെബ്രുവരി വരെയാണ് സീസണ്‍. ഉത്പാദനം വര്‍ദ്ധിക്കുന്നതോടെ കൂടുതല്‍ റബര്‍ എത്തുമ്പോള്‍ വിപണിയില്‍ ഇടപെടാതെ ടയര്‍ കമ്പനികള്‍ മാറിനില്‍ക്കുന്നത് വിലയിടിയാൻ കാരണമാകും. രണ്ട് മാസം മുമ്പ് 160 രൂപ വരെ ഉയര്‍ന്ന വില ടയര്‍ലോബിയുടെ ഇടപെടലോടെ ആര്‍എസ്.എസ് 4ന് 141 ഉം ഫൈവിന് 137.50 ഉം ആയി താഴ്ന്നു. കഴിഞ്ഞ സാമ്പത്തിക വര്‍ഷം 8.39 ലക്ഷം ടണ്‍ റബര്‍ ഉത്പാദിപ്പിച്ചിരുന്നു. 8.3 ശതമാനം വളര്‍ച്ച ഉണ്ടായതായാണ് റബര്‍ ബോര്‍ഡ് കണക്ക്. ഇത് ഭാവിയിലും വില ഇടിക്കുമെന്ന സൂചന നല്‍കുന്നു. കാലാവസ്ഥ വ്യതിയാനവും കൂലി, വളം വിലവര്‍ദ്ധനവും കാരണം കൃഷി മുന്നോട്ടു കൊണ്ടുപോകാനാവാതെ ചെറുകിട കര്‍ഷകര്‍ ബുദ്ധിമുട്ടുന്ന സാഹചര്യത്തിലാണ് പുതിയ പ്രതിസന്ധി.
ഷീറ്റ് ഇറക്കുമതിക്ക് പിന്നാലെ ലാറ്റക്സ് ഇറക്കുമതിക്കും വൻകിട കമ്പനികള്‍ നീക്കം തുടങ്ങി. ഷീറ്റ് വില ഉയരാത്ത സാഹചര്യത്തില്‍ കര്‍ഷകര്‍ ലാറ്റക്സ് സ്റ്റോക്ക് ചെയ്ത് വില ഉയരുമ്പോള്‍ വില്‍ക്കുകയാണ് പതിവ്. ലാറ്റക്സ് വില ഇടിയുന്നത് പത്തുലക്ഷത്തോളം കര്‍ഷകരെയാണ് ബാധിക്കുക. ഒരു കിലോ റബര്‍ ഉത്പാദിക്കാനുള്ള കുറഞ്ഞ ചെലവ് 200 രൂപയാണ്. വില സ്ഥിരതാ പദ്ധതിയില്‍ കിലോയ്ക്ക് 170 രൂപയാണ് കണക്കാക്കിയിരിക്കുന്നത്. വിപണി വിലയുമായുള്ള വ്യത്യാസം 30 രൂപയാണ്. ഇതാണ് കര്‍ഷകന് ലഭിക്കുന്നത്. ഇത് കൃഷി ചെലവിന് പോലും തികയില്ല.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
