തിരുവല്ല: കുറ്റൂർ എം സി റോഡിൽ രാജ്യന്താര നിലവാരത്തിൽ പുനർനിർമ്മാണം നടത്തിയ തോണ്ടറ പാലത്തിലേക്ക് കയറുന്ന ഭാഗം അപകട ഭീഷണി ഉയർത്തുന്നു. റോഡിലെ അപ്രോച്ച് റോഡ് താഴ്ന്നതാണ് അപകട ഭീഷണിക്ക് കാരണമായത്. പാലത്തിലേക്ക് കയറുന്ന ഭാഗവും അപ്രോച്ച് റോഡും തമ്മിൽ ഒരടിയോളം വിത്യാസം വന്നതിനാൽ ഇറക്കത്തിൽ താഴ്ച കൂടുതൽ രൂപപ്പെട്ടു. കെ എസ് ടി പി ഉന്നത നിലവാരത്തിൽ റോഡ് പണിത് വന്നപ്പോൾ പഴയപാലം നില നിർത്തി സമാന്തരമായി പുതിയത് പണിയുകയായിരുന്നു. തിരുവല്ലായിൽ നിന്ന് ചെങ്ങന്നൂർ ഭാഗത്തേക്ക് പോകുമ്പോഴും തിരിച്ചും സമാന രീതിയിലാണ് താഴ്ന്നിരിക്കുന്നത്.
വേഗതയിൽ വരുന്ന വാഹനങ്ങൾ അടുത്ത് എത്തുമ്പോഴാണ് പാലവും അപ്രോച്ച് റോഡും തമ്മിലുള്ള താഴ്ച്ച അറിയാൻ സാധിക്കുന്നത്. ഇത് വലിയ അപകടങ്ങൾക്ക് കാരണമാകുന്നു. പെട്ടെന്ന് ബ്രേക്ക് ഇട്ടാൽ പിന്നിൽ വരുന്ന വാഹനം അപകടത്തിൽപ്പെടാൻ സാധ്യത കൂടുതൽ ആണ്. ഏതെങ്കിലും ദിശയിലേക്ക് വെട്ടിച്ചാൽ അത് വലിയ ദുരന്തമാകും. വലിയ വാഹനങ്ങൾ കടന്ന് പോകുമ്പോൾ ശബ്ദത്തോടെ പ്രദേശമാകെ പ്രകമ്പനം കൊള്ളുന്നതായി സമീപവാസികൾ പറയുന്നു.
രാത്രിയിൽ ഓടി വരുന്ന ഇരുചക്ര വാഹനങ്ങളാണ് ഏറ്റവും കൂടുതൽ അപകടത്തിൽപ്പെടുന്നത്. സോളാർ സംവിധാനത്തിലുള്ള തെരുവുവിളക്കുകൾ ഉണ്ടെങ്കിലും റോഡിലോ പാലത്തിലോ പ്രകാശമില്ല. എന്നാൽ ഈ അപകടം മുൻകൂട്ടി കണ്ട് തിരുവല്ല ഭാഗത്ത് നിന്ന് ചെങ്ങന്നൂരിലേക്ക് പോകുന്ന വാഹനങ്ങൾ മിക്കവയും പഴയ പാലത്തെ ആശ്രയിച്ചാണ് പോയിരുന്നത്. കുഴി രൂപപ്പെട്ടതോടെ അതും അടച്ച നിലയിലാണ്. സംഭവത്തിൽ പൊതുമരാമത്ത് വകുപ്പ് അന്വേഷണത്തിന് ഉത്തരവിട്ടിട്ടുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
