പത്തനംതിട്ട : അനധികൃതപച്ചമണ്ണ് കടത്തിയതിന് ടിപ്പർ ലോറി കീഴ്‌വായ്‌പ്പൂർ പോലീസ് പിടിച്ചെടുത്തു. വ്യാഴാഴ്ച്ച വൈകിട്ട് നാലരയ്ക്ക് എസ് ഐ കെ സുരേന്ദ്രന്റെ നേതൃത്വത്തിലാണ് തുരുത്തിക്കാട് ഭാഗത്തുനിന്നും പച്ചമണ്ണ് കയറ്റിവന്ന ടിപ്പർ പിടികൂടിയത്. മതിയായ പാസ്സോ അനുമതിപ്പത്രമോ ഇല്ലാതെ ഖനനം ചെയ്തെടുത്തു കയറ്റിക്കൊണ്ടുവന്നതാണ് എന്ന് പരിശോധനയിൽ വ്യക്തമായതിനെ തുടർന്നാണ് പോലീസ് ലോറി കസ്റ്റഡിയിലെടുത്തത്. പരുമല പള്ളിപ്പെരുന്നാൾ പ്രമാണിച്ച് തീർത്ഥാടകർക്കും വഴിയാത്രക്കാർക്കും സുരക്ഷ ഉറപ്പാക്കാൻ പെരുന്നാൾ ദിവസങ്ങളിൽ ജില്ലയിൽ ടിപ്പർ ലോറികൾ ഓടിക്കരുതെന്ന ജില്ലാ കളക്ടറുടെ നിരോധന ഉത്തരവ് ലംഘിച്ചാണ് അനധികൃതമായി പച്ചമണ്ണ് കടത്തിയത്. ലോറി ഡ്രൈവർ കവിയൂർ കോട്ടൂർ ആനപ്പാറക്കൽ രാജീവി(43)നെ പ്രതിയാക്കി കേസെടുത്തു. സി പി ഓ ഷഫീക്, വരുൺ എന്നിവരും എസ് ഐ ക്കൊപ്പമുണ്ടായിരുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
