കണ്ണൂര്‍ : ജില്ലയിലെ വിവിധയിടങ്ങളില്‍ ഓട്ടോറിക്ഷ യാത്രക്കാരായി ചമഞ്ഞ് സ്ത്രീകളുടെ മാല കവരുന്ന സംഘത്തിലെ തമിഴ്നാട് സ്വദേശിനികളായ സഹോദരിമാരെ അറസ്റ്റുചെയ്തതായി ചക്കരക്കല്‍ പോലീസ് അറിയിച്ചു. ചക്കരക്കല്‍ ബസ് സ്റ്റാന്‍ഡില്‍ വെച്ചാണ് സംശയാസ്പദമായ സാഹചര്യത്തില്‍ യുവതികളെ കണ്ടെത്തിയത്. നീലി (27), ശാന്തി (30) എന്നിവരെയാണ് ചക്കരക്കല്‍ എസ്ഐ വിഎം വിനീഷും സംഘവും അറസ്റ്റ് ചെയ്തത്. ഈ മാസം രണ്ടിന് ഓട്ടോറിക്ഷ യാത്രയ്ക്കിടെ ഏച്ചൂര്‍ കാഞ്ഞിരോട് തെരുവിലെ രാജീവന്‍റെ ഭാര്യ ഷൈലജയുടെ മൂന്നര പവന്‍റെ മാലയും, മറ്റൊരു ദിവസം ചക്കരക്കല്‍ സ്വദേശിനിയായ ലീലയുടെ നാലുപവന്‍റെ മാലയും തൊട്ടടുത്ത ദിവസം മൂന്നുപെരിയയില്‍ നിന്നും ചക്കരക്കല്‍ ഭാഗത്തേക്ക് വരികയായിരുന്ന അംഗന്‍വാടി ടീചറുടെ നാലുപവന്‍റെ മാലയും കവര്‍ന്ന കേസുകളിലാണ് ഇവര്‍ അറസ്റ്റിലായത്.
പ്രതികളെ കൂടുതല്‍ ചോദ്യം ചെയ്തതിന് ശേഷം കോടതിയില്‍ ഹാജരാക്കും. നേരത്തെ കൂത്തുപറമ്പ് മേഖലയില്‍ ഇവര്‍ സമാനമായ രീതിയില്‍ വ്യാപകമായ കവര്‍ച്ച നടത്തിയിരുന്നു. കൂത്തുപറമ്പ് ബസ് സ്റ്റാന്‍ഡിലെ സിസിടിവി ക്യാമറയിലെ ദൃശ്യങ്ങളില്‍ നിന്നുമാണ് ഇവരെ തിരിച്ചറിഞ്ഞത്. മാങ്ങാട്ടിടത്തെ വയോധികയുടെ മാല ഓട്ടോറിക്ഷ യാത്രയ്ക്കിടെ കവര്‍ന്നത് ഇവരാണെന്ന് സംശയിക്കുന്നുണ്ട്. കൂടുതല്‍ ചോദ്യം ചെയ്യുന്നതിനായി പ്രതികളെ കസ്റ്റഡിയില്‍ വാങ്ങുമെന്ന് കൂത്തുപറമ്പ് പോലീസ് ഇന്‍സ്‌പെക്ടര്‍ ശ്രീജിത്ത്‌ കോടേരി പറഞ്ഞു.
MBA, BBA ഫ്രെഷേഴ്സിന് മാധ്യമ രംഗത്ത് അവസരം
Eastindia Broadcasting Pvt. Ltd. ന്റെ ഓണ്‍ ലൈന്‍ ചാനലുകളായ PATHANAMTHITTA MEDIA (www.pathanamthittamedia.com), NEWS KERALA 24 (www.newskerala24.com) എന്നിവയുടെ മാര്‍ക്കറ്റിംഗ് വിഭാഗത്തിലേക്ക് യുവതീയുവാക്കളെ ആവശ്യമുണ്ട്. MBA, BBA ഫ്രെഷേഴ്സിനും പത്ര ദൃശ്യ മാധ്യമങ്ങളുടെ പരസ്യ വിഭാഗത്തില്‍ പരിചയമുള്ളവര്‍ക്കും അപേക്ഷിക്കാം. അപേക്ഷകള്‍ [email protected] ലേക്ക് അയക്കുക. പാസ്പോര്‍ട്ട്‌ സൈസ് ഫോട്ടോ ഉള്ളടക്കം ചെയ്തിരിക്കണം. പത്തനംതിട്ട ഓഫീസ് കേന്ദ്രീകരിച്ചായിരിക്കും ജോലി. നിലവിലുള്ള ഒഴിവുകള്‍ – 06. കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
