കോഴിക്കോട് : ഇന്ത്യന്‍ റെയില്‍വേയുടെ സ്വകാര്യ ട്രെയിന്‍ തേജസ് എക്സ്പ്രസ് കേരളത്തില്‍ ഓടാന്‍ തയ്യാറെടുക്കുന്നു. കോയമ്പത്തൂര്‍, മംഗളൂരു റൂട്ടുകളില്‍ ആയിരിക്കും സര്‍വീസ്. ഇന്റര്‍സിറ്റിക്ക് സമാന്തരമായി സര്‍വീസ് നടത്താനാണ് റെയില്‍വേയുടെ പദ്ധതി. റെയില്‍വേ വെബ്സൈറ്റില്‍ ഇതുമായി ബന്ധപ്പെട്ട വിവരങ്ങള്‍ നല്‍കിയിട്ടുണ്ട് തിങ്കളാഴ്ച ഒഴികെയുള്ള ദിവസങ്ങളിലായിരിക്കും സര്‍വീസ്. ട്രെയിനിന്റെ യാത്രാക്കൂലി സംബന്ധിച്ച്‌ അന്തിമ തീരുമാനമായിട്ടില്ല. പ്രീമിയം സൗകര്യങ്ങളോട് കൂടിയ ഇന്ത്യന്‍ റെയില്‍വേയുടെ തീവണ്ടികളാണ് തേജസ് എക്സ്പ്രസ് ട്രെയിനുകള്‍. ഡല്‍ഹി-ലഖ്നോ റൂട്ടില്‍ സര്‍വീസ് ആരംഭിച്ച തേജസ് ട്രെയിനില്‍ 2400 രൂപയായിരുന്നു യാത്രക്കൂലി.
