പത്തനംതിട്ട : ഇൻഡ്യൻ നാഷണൽ കോൺഗ്രസിലെ സൗമ്യ മുഖവും ആദർശധീരനുമായിരുന്ന നേതാവായിരുന്നു മുൻ കെ.പി.സി.സി പ്രസിഡന്റ് തെന്നല ബാലകൃഷ്ണപിളളയെന്ന് കെ.പി.സി.സി രാഷ്ട്രീയകാര്യ സമിതി അംഗവും മുൻ രാജ്യസഭാ ഉപാദ്ധ്യക്ഷനുമായ പ്രൊഫ. പി.ജെ കുര്യൻ പറഞ്ഞു. അദ്ദേത്തിന്റെ അഴിമതി രഹിതവും ആദർശനിഷ്ടയോടെയുമുള്ള പൊതുപ്രവർത്തനം വരും തലമുറകൾക്ക് മാതൃകയാണ്. സ്ഥാനമാനങ്ങൾക്ക് പിന്നാലെ ഒരിക്കലും പോയിട്ടില്ലാത്ത തെന്നലക്ക് അദ്ദേഹം വഹിച്ച എല്ലാ സ്ഥാനങ്ങളും തേടിയെത്തിയതായിരുന്നു എന്ന് പ്രൊഫ. പി.ജെ കുര്യൻ പറഞ്ഞു. അദ്ദേഹം രാജ്യസഭാംഗമായിരുന്ന കാലഘട്ടത്തിൽ പാർലമെന്റിൽ ഒരുമിച്ച് പ്രവർത്തിക്കുവാൻ കഴിഞ്ഞിട്ടുള്ളതായും കെ.പി.സി.സി പ്രസിഡന്റ് എന്ന നിലയിൽ പ്രശംസനീയവും മാതൃകാപരവുമായിരുന്നു അദ്ദേഹത്തിന്റെ പ്രവർത്തനങ്ങളെന്നും പ്രൊഫ. പി.ജെ കുര്യൻ പറഞ്ഞു. ജേഷ്ഠ സഹോദരനെപ്പോലെയായിരുന്ന തെന്നല ബാലകൃഷണ പിള്ളയുടെ നിര്യാണത്തിൽ അഗാധമായ ദു:ഖവും അനുശോചനവും രേഖപ്പെടുത്തുന്നതായി പ്രൊഫ. പി.ജെ കുര്യൻ പറഞ്ഞു.
—
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
