വെള്ളറട: ഹെല്‍മറ്റ് ധരിച്ച് ബൈക്കിലെത്തിയവര്‍ അമ്പൂരിയിലും കള്ളിക്കാടും വീട്ടമ്മമാരുടെ മാല കവര്‍ന്നു. അമ്പൂരി പാലവിള വീട്ടില്‍ ശോഭിയുടെ (74) ഒന്നരപ്പവന്റെയും കള്ളിക്കാട് കാലാട്ടുകാവ് റോഡരികത്തുവീട്ടില്‍ ജയകുമാരി (50) യുടെ മൂന്ന് പവന്റെയും മാലയാണ് പൊട്ടിച്ചെടുത്തത്. രണ്ടിടത്തുനിന്നുമായി നാലരപ്പവന്റെ മാലകളാണ് നഷ്ടപ്പെട്ടത്. ശനിയാഴ്ച രാവിലെ 7.15-ഓടെയാണ് അമ്പൂരിയിലെ മോഷണം. അമ്പൂരി വില്ലേജ് ഓഫീസിന്റെ സമീപത്തായി റോഡരികില്‍ നിന്നിരുന്ന ശോഭിയുടെ അടുത്തായി ബൈക്ക് നിര്‍ത്തിയശേഷം ബൈക്കിലിരുന്നവര്‍ അമ്പൂരി എവിടെയാണെന്ന് ചോദിച്ചു. വഴി പറഞ്ഞു കൊടുക്കുന്നതിനിടെ, മാലപൊട്ടിച്ച് കടന്നു.
ജയകുമാരി രാവിലെ ഏഴരയോടെ പാല്‍ വാങ്ങിവരുമ്പോള്‍ പിന്നാലെ ബൈക്കിലെത്തിയ രണ്ടുപേര്‍ മാല പൊട്ടിച്ചെടുക്കുകയായിരുന്നു. സംഭവം അറിഞ്ഞ ചിലര്‍ കള്ളിക്കാടിനു സമീപം ഈ ബൈക്ക് തടഞ്ഞെങ്കിലും ആയുധം കാട്ടി ഭീഷണിപ്പെടുത്തി സംഘം കടന്നു. ജയകുമാരി നെയ്യാര്‍ഡാം പോലീസില് പരാതി നല്‍കി. ഇരുസംഭവങ്ങളിലെയും മോഷ്ടാക്കള്‍ ഒരേ സംഘമാണെന്നാണ് പോലീസിന്റെ നിഗമനം. പാതയോരത്തെ നിരീക്ഷണ കാമറകള്‍ പരിശോധിച്ചുവരുകയാണെന്ന് പൊലീസ് പറഞ്ഞു. കള്ളിക്കാട്ട് നടന്ന സംഭവത്തില്‍ മാല പിടിച്ചുപറിച്ചതായി സംശയിക്കുന്ന ബൈക്ക് യാത്രക്കാരുടെ സി.സി.ടി.വി ദൃശ്യം നെയ്യാര്‍ഡാം പോലീസിന് ലഭിച്ചിട്ടുണ്ട്. വെള്ളറട, നെയ്യാര്‍ഡാം പോലീസ് സംഭവത്തിൽ കേസെടുത്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
