തിരുവനന്തപുരം : സംസ്ഥാനത്ത് ഇന്ന് മൂന്ന് പേര്‍ക്ക് കൂടി കോവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയന്‍ അറിയിച്ചു. കണ്ണൂരില്‍ രണ്ട് പേര്‍ക്കും, പാലക്കാട്‌ ഒരാള്‍ക്കുമാണ് രോഗം സ്ഥിരീകരിച്ചത്. ഇവരില്‍ ഒരാള്‍ വിദേശത്ത് നിന്ന് വന്നതാണ്. രണ്ടുപേര്‍ക്ക് സമ്പര്‍ക്കത്തിലൂടെയാണ് രോഗം പകര്‍ന്നത്. 19 പേര്‍ക്കാണ് ഇന്ന് രോഗം ഭേദമയത്. ഇവരില്‍ 12 പേര്‍ കാസര്‍ഗോഡ്‌ സ്വദേശികളാണ്. നിലവില്‍ 178 പേരാണ് ചികിത്സയില്‍ കഴിയുന്നതെന്നും മുഖ്യമന്ത്രി അറിയിച്ചു.
