ന്യൂഡല്‍ഹി : ഇന്ന് ജൂലൈ 26. എല്ലാ വര്‍ഷവും ജൂലൈ 26നാണ് കാര്‍ഗില്‍ വിജയ ദിവസം ആഘോഷിക്കുന്നത്. 1999ലെ കാര്‍ഗില്‍ യുദ്ധത്തില്‍ വീരമൃത്യു വരിച്ച സൈനികരുടെ സ്മരണയ്ക്കായാണ് എല്ലാ വര്‍ഷവും കാര്‍ഗില്‍ ദിവസ് ആഘോഷിക്കുന്നത്. പാകിസ്ഥാന്‍ നുഴഞ്ഞുകയറ്റക്കാരില്‍ നിന്ന് കാര്‍ഗില്‍ കീഴടക്കിയ ധീര ജവാന്മാരെ ആദരിക്കുന്ന ദിനമാണിത്. 1998-1999 ശൈത്യകാലത്ത് കാര്‍ഗില്‍ ഔട്ട്പോസ്റ്റുകള്‍ പാകിസ്ഥാന്‍ നുഴഞ്ഞുകയറ്റക്കാര്‍ പിടിച്ചെടുത്തതിന് ശേഷമാണ് ‘ഓപ്പറേഷന്‍ വിജയ്’ ആരംഭിച്ചത്. മൂന്ന് മാസം നീണ്ട ചരിത്ര പോരാട്ടത്തില്‍ പാകിസ്താനെ തുരത്തി അവരുടെ നെഞ്ചില്‍ നമ്മുടെ ത്രിവര്‍ണ പതാക കുത്തിയ ദിനം. അന്ന് ജീവന്‍ ബലി നല്‍കിയത് 527 ധീരന്മാരായ സൈനികരാണ്.
ഇന്ത്യയിലെ ലഡാക്ക് കാര്‍ഗില്‍ അയല്‍രാജ്യങ്ങളുടെ സൈനിക സേനയെ പുറത്താക്കി 60 ദിവസം നീണ്ടു നിന്നു. കശ്മീരിലെ കാര്‍ഗില്ലില്‍ ഇന്ത്യയും പാകിസ്ഥാനും തമ്മില്‍ നടന്ന സായുധ പോരാട്ടമായിരുന്നു യുദ്ധം. ഇന്ത്യയുടെ വ്യോമസേനയും ഇന്ത്യന്‍ സൈന്യവും സംയുക്തമായി പ്രവര്‍ത്തിച്ചാണ് നിയന്ത്രണരേഖയിലെ ഇന്ത്യന്‍ പോസ്റ്റുകളില്‍ നിന്ന് പാകിസ്ഥാന്‍ സൈന്യത്തെ ഒഴിപ്പിച്ചത്.
ഈ മേഖലയുടെ മേല്‍ വിജയം കൈവരിച്ച ശേഷം, ഇന്ത്യാ ഗവണ്‍മെന്റ് അതിനെ കാര്‍ഗില്‍ വിജയ് ദിവസായി അടയാളപ്പെടുത്തി. യുദ്ധം 60 ദിവസം നീണ്ടുനിന്നു. 1971-ലെ ഇന്ത്യ-പാകിസ്ഥാന്‍ യുദ്ധത്തിന് ശേഷം നടന്ന ആദ്യത്തെ യുദ്ധമാണിത്. പാകിസ്ഥാന്‍ സൈന്യം പിടിച്ചെടുത്ത പ്രദേശം തിരിച്ചുപിടിക്കാന്‍ ജീവന്‍ ബലിയര്‍പ്പിച്ച സായുധ സേനകളോടുള്ള ആദരവും നന്ദിയും പ്രകടിപ്പിക്കുന്നതിനാണ് എല്ലാ വര്‍ഷവും ഈ ദിനം ആചരിക്കുന്നത്.
