അന്തർസംസ്ഥാന യാത്രകൾക്ക് കെ എസ് ആർ ടി സി ബസിൽ ടിക്കറ്റ് ബുക്ക് ചെയ്യുന്ന യാത്രക്കാർക്ക് സൗജന്യ യാത്ര. യാത്രക്കാർക്ക് അവരുടെ ബോർഡിങ് പോയിന്‍റിലേക്കുള്ള യാത്രയാണ് കെ എസ് ആർ ടി സി സൗജന്യ നിരക്കിൽ അനുവദിച്ചിരിക്കുന്നത്. എങ്ങനെ ഈ സൗകര്യം പ്രയോജനപ്പെടുത്താമെന്നും എന്തൊക്കെ കാര്യങ്ങൾ ശ്രദ്ധിക്കണമെന്നും നോക്കാം.
”അന്തർസംസ്ഥാന സർവീസുകളിൽ ടിക്കറ്റ് ബുക്ക് ചെയ്യുന്ന അന്തർസംസ്ഥാന യാത്രക്കാർക്ക് അവരുടെ ബോർഡിംഗ് പോയിന്റിൽ എത്താൻ കെ എസ് ആർ ടി സി ഫാസ്റ്റ് പാസഞ്ചറിലോ അതിനു താഴെയുള്ള ക്ലാസ് ബസുകളിലോ സൗജന്യ യാത്രയ്ക്ക് അർഹതയുണ്ട്. യാത്രക്കാർ നിൽക്കുന്ന സ്ഥലത്തു നിന്ന് ബോർഡിംഗ് പോയിന്റിലേക്ക് 30 കിലോമീറ്ററിൽ താഴെയാണ് ദൂരമെങ്കിൽ സൗജന്യമായി യാത്ര ചെയ്യാം” എന്നാണ് കെഎസ്ആർടിസി അധികൃതർ അറിയിച്ചിരിക്കുന്നത്.
ഈ യാത്രയ്ക്കായി യാത്രക്കാരുടെ കൈവശം ടിക്കറ്റ് ബുക്ക് ചെയ്ത രേഖയും ഐ.ഡി കാർഡും ഉണ്ടായിരിക്കണം. ബുക്ക് ചെയ്ത ബസ് ബോർഡിങ് പോയിന്റിൽ എത്തിച്ചേരുന്നതിന് രണ്ടു മണിക്കൂർ മുൻപ് മുതലാണ് ഈ യാത്രയ്ക്ക് അര്‍ഹതയുള്ളത്. പലപ്പോഴും സൗജന്യ യാത്ര സംബന്ധിച്ച് കെഎസ്ആർടിസി ജീവനക്കാരും യാത്രികരും തമ്മിൽ തർക്കങ്ങൾ നടക്കാറുണ്ട്. യാത്രക്കാർ ഈ ആനുകൂല്യം അവകാശപ്പെടുമ്പോൾ ജീവനക്കാർ നിഷേധിക്കുന്നതു ഒടുവിൽ തർക്കങ്ങൾക്കുശേഷം കൺട്രോൾ റൂമിൽ വിളിച്ച് ഉറപ്പു വരുത്തിയ ശേഷം സൗജന്യയാത്ര അനുവദിച്ചതായും പല യാത്രക്കാരും പറഞ്ഞിട്ടുണ്ട്.
കെ എസ് ആർ ടി സി അന്തർസംസ്ഥാന സർവീസുകൾ കേരളത്തിൽ നിന്ന് മൈസൂര്‍, ബാംഗ്ലൂർ, കോയമ്പത്തൂർ, ചെന്നൈ, കൊല്ലൂര്‍, മംഗലാപുരം, കന്യാകുമാരി, ഊട്ടി, മധുരൈ, തിരുനെൽവേലി, സേലം, ഡിണ്ടിഗൽ, പളനി, പൊള്ളാച്ചി, പോണ്ടിച്ചേരി,കടലൂർ തുടങ്ങിയ സ്ഥലങ്ങളിലേക്കാണ് കെ എസ് ആർ ടി സി പ്രധാനപ്പെട്ട അന്തർസംസ്ഥാന സർവീസുകൾ നടത്തുന്നത്. അന്തർസംസ്ഥാന യാത്രയ്ക്കായി ഓൺലൈന്‍ വഴി കെ എസ് ആർ ടി സി ബസ് ബുക്ക് ചെയ്ത ശേഷം നിങ്ങളുടെ ബുക്കിങ് സ്ഥിരീകരിച്ച് അയക്കുന്ന ഇ-മെയിലിൽ ഇതിന്റെ വിശദാംശങ്ങൾ നിങ്ങൾക്ക് കാണാം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
