ഓണത്തിന് ഇനിയും നാട്ടിലേക്ക് ടിക്കറ്റ് കിട്ടിയില്ലേ? അതോ വരണോ വേണ്ടയോ എന്നാലോചിച്ച് ഇരിക്കുവാണോ? എന്തായാലും നാട്ടിലേക്ക് വന്ന് ഓണം ആഘോഷിച്ച് പോകാൻ അവസാന നിമിഷം ഒരുങ്ങുന്നവർക്ക് ആശ്വാസ വാർത്തയാണ് വന്നിരിക്കുന്നത്. ബാംഗ്ലൂരിലെ ബയ്യപ്പനഹള്ളി എസ്എംടിവി ടെർമിനലിൽ നിന്ന് സേലം വഴി മംഗളൂരുവിലേക്ക് സ്പെഷൽ ഫെയർ ട്രെയിൻ റെയിൽവേ അനുവദിച്ചിരിക്കുകയാണ്. ബാംഗ്ലൂരിലെ ഓണാഘോഷങ്ങൾ കഴിഞ്ഞ് നാട്ടിലേക്ക് വരാൻ കാത്തിരിക്കുന്നവർക്ക് വലിയ ആശ്വാസമാണ് ഈ പ്രഖ്യാപനം. ദക്ഷിണ പശ്ചിമ റെയിൽവേയാണ് ഓണം സ്പെഷ്യൽ ഫെയറോട് കൂടി ട്രെയിൻ അനുവദിച്ചിരിക്കുന്നത്. ഓണവുമായി ബന്ധപ്പെട്ട് ഏറ്റവും അവസാനം പ്രഖ്യാപിച്ചിരിക്കുന്ന ട്രെയിനും കൂടിയാണിത്.
ഉത്രാടദിനത്തില്‍ ബാംഗ്ലൂരിൽ നിന്ന് കയറി തിരുവോണത്തിന് നാട്ടിലെത്തി ആഘോഷങ്ങൾ കഴിഞ്ഞ് അന്ന്തന്നെ തിരികെ മടങ്ങിപോകാൻ വിധത്തിലാണ് ട്രെയിൻ സമയം. ഓഗസ്റ്റ് 28 തിങ്കളാഴ്ച വൈകിട്ടോടെ ബയ്യപ്പനഹള്ളിയില്‍ നിന്ന് പുറപ്പെട്ട് പിറ്റേന്ന് രാവിലെ മംഗലാപുരത്ത് ട്രെയിനെത്തും. അന്ന് തന്നെ വൈകിട്ട് തിരികെ മംഗലാപുരത്തു നിന്നും ബയ്യപ്പനഹള്ളിയിലേക്ക് തിരിക്കും. സേലം വഴിയാണ് യാത്ര. 2 എസി ടു ടയർ, 7 എസി ത്രിടയർ, 10 സ്ലീപ്പർ, 2 ജനറൽ കോച്ചുകളാണ് ട്രെയിനിലുള്ളത്. ഇതാ ട്രെയിൻ വിവരങ്ങളും നിലവിൽ ലഭ്യമായ സീറ്റുകളും വിവരങ്ങളും വായിക്കാം.
ബയ്യപ്പനഹള്ളി എസ്എംവിടി-മംഗളൂരു സെൻട്രൽ എക്സ്പ്രസ് (06569)
ഓഗസ്റ്റ് 28 തിങ്കളാഴ്ച വൈകിട്ട് 4.35ന് ബയ്യപ്പനഹള്ളി എസ്എംടിവി ടെർമിനലിൽ നിന്ന് ട്രെയിൻ യാത്ര ആരംഭിക്കും. സ്ലീപ്പർ, എസി ത്രീ ടയർ, എസി ടൂ ടയർ എന്നിവയാണ് ട്രെയിനിനുള്ളത്. ബയ്യപ്പനഹള്ളിയിൽ നിന്ന് മംഗലാപുരത്തേയ്ക്ക് സ്ലീപ്പറിന് 550 രൂപ, എസി ത്രീടയറിന് 1490 രൂപ, എസി ടൂ ടയറിന് 2070 രൂപ എന്നിങ്ങനെയാണ് നിരക്ക്.
ട്രെയിൻ 06569- ഷെഡ്യൂൾ എസ്എംവിടി ബെംഗളുരു- 4.34 PM ബംഗാരപേട്ട്- 5.31 PM സേലം ജംങ്ഷൻ 7.55 ഇറോഡ് ജംങ്ഷന്‍- 9.15 തിരുപ്പൂർ-9.58 PM കോയമ്പത്തൂർ-12.37 AM പാലക്കാട്-2.00 AM ഷൊർണൂര്‍-3.20 AM തിരൂർ-4.08 AM കോഴിക്കോട്-4.51 AM വടകര-5.29 AM തലശ്ശേരി-5.48 AM കണ്ണൂർ-6.17 AM പയ്യന്നൂർ-6.46 AM, കാഞ്ഞങ്ങാട്-7.43 AM കാസർകോഡ്-9.30 AM ശനിയാഴ്ച രാത്രി 10.00 മണി വരെ സ്ലീപ്പറിൽ 62 സീറ്റ്, എസി ത്രീടയറിൽ 259 സീറ്റ്, എസി ടൂ ടയറിൽ 62 സീറ്റുകൾ എന്നിവയാണ് ഉള്ളത്. മംഗളൂരു-ബയ്യപ്പനഹള്ളി എസ്എംവിടി സ്പെഷൽ (06570) MAQ SMVB SPL (06570) മംഗളൂരു-ബയ്യപ്പനഹള്ളി എസ്എംവിടി സ്പെഷൽ തിരുവോണം നാളിൽ ചൊവ്വാഴ്ച രാത്രി 8.05ന് മംഗലാപുരം സെൻട്രലിൽ നിന്ന് ട്രെയിൻ പുറപ്പെട്ട് ബുധനാഴ്ച രാവിലെ 11.45ന് ബയ്യപ്പനഹള്ളിയിലെത്തും. 15 മണിക്കൂർ 40 മിനിറ്റാണ് യാത്രാ സമയം.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
