ടിവിഎസ് (TVS) പല പുതിയ ബൈക്കുകളുടെയും പണിപ്പുരയിലാണ്. കരുത്തുള്ളൊരു ക്രൂയിസർ ബൈക്ക് വികസിപ്പിക്കുകയാണ് എന്ന റിപ്പോർട്ടുകൾക്ക് പിന്നാലെ അഡ്വഞ്ചർ ബൈക്ക് കൂടി ടിവിഎസിന്റെ പണിപ്പുരയിൽ ഒരുങ്ങുന്നുണ്ട് എന്ന സൂചനയാണ് ലഭിക്കുന്നത്. ദീർഘദൂര യാത്രകൾക്ക് സൌകര്യപ്രദമാകുന്ന വിധത്തിൽ ആയിരിക്കും ഈ മോട്ടോർസൈക്കിൾ നിർമ്മിക്കുന്നത്. ഇന്ത്യയിൽ റോയൽ എൻഫീൽഡ് ഹിമാലയൻ, കെടിഎം 390 അഡ്വഞ്ചർ തുടങ്ങിയ ബൈക്കുകളുടെ എതിരാളിയായിരിക്കും വരുന്നത്. ടിവിഎസിന്റെ ആദ്യത്തെ അഡ്വഞ്ചർ ബൈക്കിന് ടിവിഎസ് അപ്പാച്ചെ ആർടിഎക്സ് (TVS Apache RTX) എന്നായിരിക്കും പേരെന്നാണ് സൂചനകൾ. ഈ പേര് കമ്പനി ട്രേഡ്മാർക്ക് ചെയ്തിട്ടുണ്ട്. എക്സ് എന്ന അക്ഷരത്തിൽ നിന്നും ഇതൊരു അഡ്വഞ്ചർ ബൈക്ക് ആകാനുള്ള സാധ്യതയാണ് റിപ്പോർട്ടുകൾ ചൂണ്ടിക്കാട്ടുന്നത്. ഇതൊരു ക്രോസ് ഓവർ ടൈപ്പ് ബൈക്ക് ആയിരിക്കാനും സാധ്യതകളുണ്ട്. വൈകാതെ തന്നെ ഈ ബൈക്ക് ഇന്ത്യൻ വിപണിയിൽ അവതരിപ്പിക്കും. 200 സിസിയോ 310 സിസിയോ ഉള്ള എഞ്ചിനായിരിക്കും ബൈക്കിൽ ഉണ്ടാവുക.
ടിവിഎസിന് തങ്ങളുടെ അപ്പാച്ചെ മോണിക്കറിനോട് പ്രത്യേകം താല്പര്യമുണ്ട്. അതുകൊണ്ട് തന്നെ ഈ മോണിക്കറിന് കീഴിൽ ഒന്നിലധികം ബോഡി ടൈപ്പുള്ള വാഹനങ്ങൾ കമ്പനി പുറത്തിറക്കിയിട്ടുമുണ്ട്. അപ്പാച്ചെ ആർടിആർ എന്ന പേര് സ്ട്രീറ്റ് നേക്കഡ് മോട്ടോർസൈക്കിൾ സീരീസിനെ സൂചിപ്പിക്കുന്നു. അപ്പാച്ചെ ആർആർ എന്നത് ഫെയർഡ് മോട്ടോർസൈക്കിളുടെ സീരീസിനെ സൂചിപ്പിക്കുന്നു. അതുകൊണ്ട് തന്നെ അപ്പാച്ചെ ആർടിഎക്സ് എന്നത് അഡ്വഞ്ചർ ബൈക്ക് സീരീസിന്റേത് ആയിരിക്കുമെന്നാണ് സൂചനകൾ. ടിവിഎസിന് അഡ്വഞ്ചർ ബൈക്കുകൾ ഇല്ലെന്ന് പറയുമ്പോഴും ശ്രദ്ധിക്കേണ്ട കാര്യം ടിവിഎസ് അതിന്റെ പേരിൽ അഡ്വഞ്ചർ ബൈക്കുകൾ വിൽക്കുന്നില്ല എന്ന് മാത്രമേയുള്ളു എന്നതാണ്. ടിവിഎസും ബിഎംഡബ്ല്യുവും തമ്മിലുള്ള പാർട്ടണർഷിപ്പിലാണ് ബിഎംഡബ്ല്യു 313സിസി അഡ്വഞ്ചർ മോട്ടോർസൈക്കിൾ നിർമ്മിക്കുന്നത്. ടിവിഎസും ബിഎംഡബ്ല്യുവും തമ്മിലുള്ള ഈ പങ്കാളിത്തത്തിൽ പുറത്തിറങ്ങുന്ന വാഹനങ്ങളെല്ലാം ഇന്ത്യയിൽ ബിഎംഡബ്ല്യു ബ്രാന്റിങ്ങിൽ തന്നെയാണ് ഇറങ്ങുന്നത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
