ടാറ്റ മോട്ടോഴ്സ് തങ്ങളുടെ പ്രീമിയം ഹാച്ച്ബാക്കായ ആൾട്രോസിന് രണ്ട് പുതിയ വേരിയന്റുകൾ കൂടി നൽകിയിരിക്കുകയാണ്. കുറഞ്ഞ വിലയ്ക്ക് കിടിലൻ ഫീച്ചറുകൾ നൽകുന്ന വേരിയന്റുകളാണ് ടാറ്റ അവതരിപ്പിച്ചിരിക്കുന്നത്. ടാറ്റ ആൾട്രോസ് XM, XM(S) എന്നിവയാണ് പുതിയ വേരിയന്റുകൾ. വിപണിയിലെ മത്സരം ശക്തമാകുന്ന അവസരത്തിലാണ് കാർ വാങ്ങുന്നവർക്ക് കൂടുതൽ ഓപ്ഷനുകൾ നൽകാനായി ആൾട്രോസിൽ രണ്ട് വേരിയന്റുകൾ കൂടി കമ്പനി കൊണ്ടുവന്നിരിക്കുന്നത്.
ടാറ്റ ആൾട്രോസിന്റെ പുതിയ വേരിയന്റുകളുടെ എക്സ് ഷോറൂം വില 6.90 ലക്ഷം രൂപ മുതലാണ് ആരംഭിക്കുന്നത്. ആൾട്രോസ് XM എന്ന പുതിയ വേരിയന്റിനാണ് ഈ വില. XM(S) എന്ന പുതിയ വേരിയന്റിന് 7.35 ലക്ഷം രൂപയാണ് എക്സ് ഷോറൂം വില വരുന്നത്. ഈ വേരിയന്റുകളിൽ കമ്പനി ഇലക്ട്രിക് സൺറൂഫ് ഉൾപ്പെടെ നിരവധി പുതിയ ഫീച്ചറുകൾ നൽകിയിട്ടുണ്ട്. ഈ വേരിയന്റുകൾ വന്നതോടെ സൺറൂഫുള്ള ഏറ്റവും വില കുറഞ്ഞ പ്രീമിയം ഹാച്ച്ബാക്കായി ടാറ്റ ആൽട്രോസ് മാറിയിരിക്കുകയാണ്.
ടാറ്റ ആൾട്രോസിന്റെ പുതിയ രണ്ട് വേരിയന്റുകളും പെട്രോൾ എഞ്ചിൻ ഓപ്ഷനിൽ മാത്രമേ ലഭ്യമാവുകയുള്ളു. ഡീസൽ എഞ്ചിൻ ഓപ്ഷനിൽ ഇവ ലഭിക്കില്ല. മറ്റ് പെട്രോൾ ഓപ്ഷനുകളിലുള്ള അതേ 1.2 ലിറ്റർ റെവോട്രോൺ പെട്രോൾ എഞ്ചിനാണ് ഈ വേരിയന്റുകളിലും ടാറ്റ നൽകിയിട്ടുള്ളത്. ഈ എഞ്ചിൻ 88.2 എച്ച്‌പി പവറും 115 എൻഎം പീക്ക് ടോർക്കും ഉത്പാദിപ്പിക്കുന്നു. 5 സ്പീഡ് മാനുവൽ ട്രാൻസ്മിഷൻ ഓപ്ഷനിലാണ് ഈ വാഹനം ലഭ്യമാകുന്നത്.
ടാറ്റ ആൾട്രോസിന്റെ പുതുതായി അവതരിപ്പിച്ച വേരിയന്റുകളിൽ തന്നെ ഏറ്റവും വില കുറഞ്ഞ XM ട്രിമ്മിൽ സ്റ്റിയറിങ് മൗണ്ടഡ് കൺട്രോളുകൾ നൽകിയിട്ടുണ്ട്. ഡ്രൈവർ സീറ്റിന്റെ ഉയരം ക്രമീകരിക്കാനുള്ള സംവിധാനവും ഈ വേരിയന്റിലുണ്ട്. ഇലക്ട്രിക്കലി അഡ്ജസ്റ്റ് ചെയ്യാവുന്ന ORVMകളാണ് ഈ വാഹനത്തിന്റെ മറ്റൊരു സവിശേഷത. ആർ16 ഫുൾ വീൽ കവർ, കൂടുതൽ പ്രീമിയം ഫീൽ നൽകുന്ന മെച്ചപ്പെടുത്തിയ ഡാഷ് എന്നിവയും ഈ വേരിയന്റിൽ ലഭിക്കുന്നു.
പുതിയ XM(S) വേരിയന്റിലും മുകളിൽ സൂചിപ്പിച്ച സവിശേഷതകളെല്ലാം ടാറ്റ നൽകിയിട്ടുണ്ട്. ഈ വാഹനത്തിൽ ഇലക്ട്രിക് സൺറൂഫും അധികമായി നൽകിയിരിക്കുന്നു. ഓപ്ഷണൽ ആക്‌സസറിയായി കമ്പനി വലിയ 9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും പുതിയ വേരിയന്റിൽ നൽകുന്നുണ്ട്. ആൾട്രോസിന്റെ എല്ലാ വേരിയന്റുകളിലും, മാനുവൽ പെട്രോൾ ട്രിമ്മുകളിൽ ഇപ്പോൾ നാല് പവർ വിൻഡോകളും റിമോട്ട് കീലെസ് എൻട്രിയും പോലുള്ള സ്റ്റാൻഡേർഡ് ഫീച്ചറുകൾ ലഭ്യമാണ്.
ടാറ്റ ആൾട്രോസ് ഇന്ത്യയിലെ സുരക്ഷിതമായ ഹാച്ച്ബാക്കാണ്. ഗ്ലോബൽ NCAP ടെസ്റ്റുകളിൽ 5 സ്റ്റാർ റേറ്റിംഗ് നേടിയ ഈ വാഹനം സുരക്ഷയും ഡിസൈനും സവിശേഷതകളും കൊണ്ടാണ് ആളുകളെ ആകർഷിക്കുന്നത്. മുതിർന്നവരുടെ സുരക്ഷയിൽ 16.13/17 പോയിന്റും കുട്ടികളുടെ സുരക്ഷയിൽ 29/49 പോയിന്റുമാണ് ടാറ്റ ആൾട്രോസ് സ്വന്തമാക്കിയിട്ടുള്ളത്. ഇന്ത്യൻ വിപണയിൽ മാരുതി സുസുക്കി ബലേനോ, ഹ്യുണ്ടായ് ഐ20 എന്നീ ഹാച്ച്ബാക്കുകളോടാണ് ടാറ്റ ആൾട്രോസ് മത്സരിക്കുന്നത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
