പെരിങ്ങനാട് : അപ്രതീക്ഷിതമായി വോൾട്ടേജ് കൂടിയതിനാൽ കംപ്യൂട്ടറുകൾക്കും വൈദ്യുതി ഉപകരണങ്ങൾക്കും നാശനഷ്ടം. അടൂർ പെരിങ്ങനാട് വഞ്ചിമുക്ക് ജംഗ്ഷനിലുള്ള വിജയകൃഷ്ണന്റെ ഉടമസ്ഥതയിലുള്ള പഞ്ചാക്ഷരം സ്റ്റുഡിയോയിലെ കംപ്യൂട്ടറും ഒട്ടേറെ വൈദ്യുതി ഉപകരണങ്ങളും നശിച്ചു. വലിയ ശബ്ദത്തോടെ ബൾബുകൾ പൊട്ടിത്തെറിച്ചുവെന്നും കംപ്യൂട്ടറിൽനിന്നു പുക വന്നുവെന്നും വിജയകൃഷ്ണൻ പറയുന്നു. കൂടാതെ സമീപത്തെ അക്ഷയ സെൻററിലെ കംപ്യൂട്ടർ, സതീഷ് കുമാറിന്റെ വെൽഡിങ് വർക്ക്‌ഷോപ്പിലെ വെൽഡിങ് മെഷീൻ, കുറ്റീലയ്യത്ത് റെജിയുടെ പലചരക്കുകടയിലെ വൈദ്യുതികൊണ്ട് പ്രവർത്തിക്കുന്ന അളവുതൂക്ക ത്രാസ് എന്നിവയ്ക്കും കേടുപാടുകളുണ്ടായി. സംഭവം ഉണ്ടായപ്പോൾ തന്നെ വൈദ്യുതിയും പോയി. പിന്നീട് വൈദ്യുതി തിരികെ വന്നപ്പോൾ പ്രശ്നങ്ങളൊന്നുമില്ലായിരുന്നുവെന്നും വ്യാപാരികൾ പറയുന്നു. ബുധനാഴ്ച പുലർച്ചെയുണ്ടായ ശക്തമായ കാറ്റിൽ വൈദ്യുതിക്കമ്പികൾ കൂട്ടിമുട്ടി ട്രാൻസ്ഫോർമറിൽനിന്നുവന്ന തകരാറാകാം വോൾട്ടേജ് കൂടാൻ കാരണമെന്ന് വൈദ്യുതവകുപ്പ് അധികൃതർ പറയുന്നു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
