നിലയ്ക്കല്‍ : ശബരിമല പമ്പ പാതയിൽ നിലയ്ക്കലിൽ ഇന്ന് രാവിലെ നിയന്ത്രണം നഷ്ടപ്പെട്ട വാന്‍ കാറില്‍ ഇടിച്ച് അപകടമുണ്ടായി. കാറിനുള്ളിൽ കുടുങ്ങിയ തീർത്ഥാടകരെ പോലീസും അഗ്നിശമന സേനാംഗങ്ങളും ചേര്‍ന്ന് കാർ വെട്ടിപ്പൊളിച്ച് പുറത്തെടുത്തു. ഇന്ന് രാവിലെ പത്ത് മണിയോടെയാണ് അപകടം. നിലയ്ക്കൽ പാർക്കിംഗ് ഗ്രൗണ്ടിൽ നിന്ന് ഇറങ്ങി വരികയായിരുന്ന ട്രാവലർ വാൻ നിയന്ത്രണം തെറ്റി റോഡിൽ വെച്ച് കാറിൽ ഇടിയ്ക്കുകയായിരുന്നു. ഇടിയുടെ ആഘാതത്തിൽ കാർ ട്രാവലർ വാനിന്റെയും ക്രാഷ് ബാരിയറിന്‍റെയും ഇടയിൽ ഞെരുങ്ങി അമർന്നു. ഇതുമൂലം കാറിൽ ഉണ്ടായിരുന്ന തീർത്ഥാടകരെ അഗ്നിശമന സേനയും പോലീസും നാട്ടുകാരും ചേർന്ന് കാർ വെട്ടിപ്പൊളിച്ച് ആണ് പുറത്തെടുത്തത്. തിരുവനന്തപുരം സ്വദേശികളായ ആറ് പേരാണ് കാറിൽ ഉണ്ടായിരുന്നത്. ആരുടേയും പരിക്ക് ഗുരുതരമല്ലന്നാണ് പ്രാഥമിക നിഗമനം. ഇവരെ ആശുപത്രിയിലേക്ക് മാറ്റി. അപകടത്തെ തുടർന്ന് ശബരിമല പാതയിൽ ഏറെ നേരം ഗതാഗതം സ്തംഭിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
