റാന്നി : കേരളത്തെ നടുക്കിയ വയനാട് ദുരന്തത്തിന്റെ പശ്ചാത്തലത്തിൽ ആർഭാടമില്ലാത്ത ഓണാഘോഷമാണ് ഇത്തവണ വെച്ചൂച്ചിറ എണ്ണൂറാം വയൽ സി എം എസ് സ്കൂളിൽ. ഓണാഘോഷത്തിന്റെ ഭാഗമായി കുരുന്നുകൾ ഒരുക്കിയ പൂക്കളത്തിൽ വിരിഞ്ഞത് അതി ജീവനത്തിന്റെ വയനാട് ആയിരുന്നു. അതിജീവനം അതിവേഗം വയനാട്ടിലെ കൂട്ടുകാർക്കായി എന്ന സന്ദേശമായിരുന്നു ഇത്തവണ എണ്ണൂറാം വയൽ സ്കൂളിലെ ഓണാഘോഷത്തിന്. ദുരന്തത്തിന്റെ പശ്ചാത്തലത്തിൽ വയനാട് ചൂരൽ മലയിലും മുണ്ടക്കൈയിലും നടന്ന രക്ഷാ പ്രവർത്തനങ്ങളും അതി ജീവനത്തിന്റെ നാൾ വഴികളുമായി കുട്ടികളൊരുക്കിയ പൂക്കളം ശ്രദ്ധേയമായി. ഓണാഘോഷം വെച്ചൂച്ചിറ ഗ്രാമപഞ്ചായത്ത് പ്രസിഡന്റ്‌ ടി കെ ജെയിംസ് ഉദ്ഘാടനം ചെയ്തു. പി ടി എ പ്രസിഡന്റ്‌ ഷൈനു ചാക്കോ അധ്യക്ഷത വഹിച്ചു. ഗ്രാമ പഞ്ചായത്ത്‌ അംഗം ഷാജി കൈപ്പുഴ, ഡോ. മനു എം വർഗീസ്, വെച്ചൂച്ചിറ പോലീസ് സബ് ഇൻസ്‌പെക്ടർ സായിസേനൻ, എം. ടി. മത്തായി, എം ജെ. കോശി, ഷൈനി ജോർജ്, ആഷിക് പീടികപ്പറമ്പിൽ, മഞ്ജു രാജ്, അലീന ജോൺ, സെലിൻ പി രാജൻ, ഷെൽബി ഷാജി, മെർലിൻ മോസസ്, അഖിൽ ഷാജി, എൻ ഹരികൃഷ്ണൻ എന്നിവർ പ്രസംഗിച്ചു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
