കൊച്ചി: വാളയാര്‍ കേസ് ഏറ്റെടുക്കുന്നത് സംബന്ധിച്ച്‌ ഹൈക്കോടതിയില്‍ ഇന്ന് സിബിഐ
നിലപാടറിയിക്കും. സംസ്ഥാന സര്‍ക്കാ‍ര്‍ കേസ് കേന്ദ്ര ഏജന്‍സിക്ക് കൈമാറി വിജ്ഞാപനം പുറപ്പെടുവിച്ചിരുന്നെങ്കിലും സിബിഐ ഔദ്യോഗികമായി കേസ് ഏറ്റെടുത്തിട്ടില്ല. വാളയാറില്‍ രണ്ട് പെണ്‍കുട്ടികള്‍ വീടിനുളളില്‍ തൂങ്ങി മരിച്ച സംഭവത്തിലാണ് അന്വേഷണം.
സിബിഐ അന്വേഷണം കോടതി മേല്‍നോട്ടത്തില്‍ വേണമെന്നാവശ്യപ്പെട്ടാണ് മരിച്ച പെണ്‍കുട്ടികളുടെ അമ്മ ഹൈക്കോടതിയെ സമീപിച്ചത്. വാളയാറില്‍ 13 വയസുകാരിയെ 2017 ജനുവരി 13 നും സഹോദരിയായ ഒന്‍പത് വയസുകാരിയെ 2017 മാര്‍ച്ച്‌ നാലിനുമാണ് വീട്ടിനകത്ത് തൂങ്ങി മരിച്ച നിലയില്‍ കണ്ടെത്തിയത്.
