തിരുവനന്തപുരം : സംസ്ഥാനത്ത് സമ്പര്‍ക്കരോഗികള്‍ ഏറ്റവുമധികമുളള തിരുവനന്തപുരം കോര്‍പ്പറേഷനിലെ മൂന്നു കൗണ്‍സിലര്‍മാര്‍ക്കു കൂടി കോവിഡ് സ്ഥിരീകരിച്ചു. ഇതോടെ കോര്‍പ്പറേഷനില്‍ രോഗം സ്ഥിരീകരിച്ച കൗണ്‍സിലര്‍മാര്‍ ഏഴായി. സമ്പര്‍ക്കം വഴിയായിരിക്കാം രോഗം പകര്‍ന്നതെന്നാണ് സൂചന.
കോര്‍പ്പറേഷനിലെ നാല് കൗണ്‍സിലര്‍മാര്‍ക്കു ബുധനാഴ്ച കോവിഡ് സ്ഥിരീകരിച്ചിരുന്നു. കൗണ്‍സിലര്‍മാര്‍ക്കും ജീവനക്കാര്‍ക്കുമായി നടത്തിയ സ്രവ പരിശോധനയിലായിരുന്നു രോഗം സ്ഥിരീകരിച്ചത്. രോഗം സ്ഥിരീകരിച്ചവരില്‍ ഒരാള്‍ സന്ദര്‍ശനം നടത്തിയതിനെ തുടര്‍ന്ന് ഉള്ളൂര്‍ സോണല്‍ ഓഫീസ് താല്‍ക്കാലികമായി പൂട്ടിയിരുന്നു. കോവിഡ് പ്രോട്ടോക്കോള്‍ പാലിക്കുന്നതിന്‍റെ ഭാഗമായി ഏതാനും ആഴ്ചകളായി പൊതു പരിപാടികളിലൊന്നും പങ്കെടുക്കാറില്ലായിരുന്നുവെന്നാണ് കൗണ്‍സിലര്‍മാര്‍ പറയുന്നത്. കോവിഡ് സ്ഥിരീകരിച്ച കൗണ്‍സിലര്‍മാരില്‍ ആര്‍ക്കും രോഗലക്ഷണങ്ങളില്ലായിരുന്നു.
