ജനപ്രിയ ഇൻസ്റ്റന്റ് മെസേജിങ് പ്ലാറ്റ്ഫോമായ വാട്സ്ആപ്പ് പുതിയ അപ്ഡേറ്റ് പുറത്തിറങ്ങി. നമ്പരുകൾ കോൺടാക്റ്റിലേക്ക് സേവ് ചെയ്യാതെ തന്നെ വാട്സ്ആപ്പിൽ മെസേജ് അയക്കാനുള്ള സംവിധാനമാണ് കമ്പനി അവതരിപ്പിക്കുന്നത്. അത്യാവശ്യ കാര്യങ്ങൾക്കായി ഒരു തവണ മാത്രം വാട്സ്ആപ്പ് മെസേജ് അയക്കേണ്ടി വരുന്ന നമ്പരുകൾ കോൺടാക്റ്റിൽ സേവ് ചെയ്യുന്നത് ബുദ്ധിമുട്ടുള്ള കാര്യമാണ്. അതുകൊണ്ട് തന്നെ ഇത്തരം അവസരങ്ങളിൽ നമ്പർ സേവ് ചെയ്യാതെ മെസേജ് അയക്കാൻ സാധിച്ചിരുന്നെങ്കിൽ എന്ന് നിങ്ങളും ആഗ്രഹിച്ചിട്ടുണ്ടാകും.
നിലവിൽ സേവ് ചെയ്യാത്തൊരു നമ്പരിലേക്ക് വാട്സ്ആപ്പ് മെസേജ് അയക്കാൻ സാധിക്കില്ല. ഇപ്പോൾ പുറത്തിറങ്ങിയിരിക്കുന്ന പുതിയ ഫീച്ചറിലൂടെ വാട്സ്ആപ്പ് സേവ് ചെയ്യാത്ത നമ്പരുകളിലേക്കും വാട്സ്ആപ്പ് മെസേജ് അയക്കാനുള്ള സൌകര്യമാണ് നൽകുന്നത്. വാബെറ്റഇൻഫോ റിപ്പോർട്ട് ചെയ്തത് അനുസരിച്ച് വാട്സ്ആപ്പിലെ പുതിയ ഫീച്ചർ ഇതിനകം തന്നെ പുറത്തിറങ്ങിയിട്ടുണ്ട്. ഐഒഎസിലും ആൻഡ്രോയിഡിലുമുള്ള പുതിയ വാട്സ്ആപ്പ് പതിപ്പുകളിൽ ഈ ഫീച്ചർ ലഭ്യമാകും.
വാട്സ്ആപ്പിന്റെ ഏറ്റവും പുതിയ വേർഷനുകളിലേക്ക് അപ്ഡേറ്റ് ലഭിച്ച ആളുകൾക്ക് നമ്പർ സേവ് ചെയ്യാതെ തന്നെ മെസേജ് അയക്കാനുള്ള വാട്സ്ആപ്പ് ഫീച്ചർ ലഭ്യമാകും. ഈ ഫീച്ചറിന്റെ പ്രവർത്തനം വളരെ ലളിതമായിട്ടാണ് നൽകിയിട്ടുള്ളത്. കോൺടാക്റ്റുകളിലേക്ക് നമ്പരുകൾ സേവ് ചെയ്യുന്നതിന് പകരം ആ നമ്പരുകളിലേക്ക് നേരിട്ട് മെസേജുകൾ അയക്കാൻ സാധിക്കും. ഐഒഎസ്, ആൻഡ്രോയിഡ് ഉപയോക്താക്കൾക്ക് വാട്സ്ആപ്പ് ആപ്പ് അപ്ഡേറ്റ് ചെയ്തതിന് ശേഷം ചുവടെ കൊടുക്കുന്ന രീതിയിൽ ഈ ഫീച്ചർ ഉപയോഗിക്കാം.
വാട്സ്ആപ്പിന്റെ പുതിയ ഫീച്ചർ ഉപയോഗിക്കുന്നതിനായി ആപ്പ് തുറന്ന് “ന്യൂ ചാറ്റ് ” ഓപ്ഷനിൽ ടാപ്പ് ചെയ്യുക. സെർച്ച് ബാറിൽ നിങ്ങൾക്ക് മെസേജ് അയക്കേണ്ട നമ്പർ ടൈപ്പ് ചെയ്ത് നൽകുകയോ പേസ്റ്റ് ചെയ്യുകയോ ചെയ്യാം. ഈ നമ്പർ നിങ്ങളുടെ കോൺടാക്റ്റിൽ ഉണ്ടോ എന്നറിയാൻ വാട്സ്ആപ്പ് കോൺടാക്റ്റ് സെർച്ച് ചെയ്യും. കോൺടാക്റ്റ് കണ്ടെത്താൻ കഴിയുന്നില്ലെങ്കിലും ചാറ്റ് ചെയ്യാനുള്ള ഓപ്ഷൻ വാട്സ്ആപ്പ് നൽകുന്നു. നേരത്തെ ഈ ഓപ്ഷൻ ലഭ്യമായിരുന്നില്ല. ആദ്യം നമ്പർ സേവ് ചെയ്തതിന് ശേഷം മാത്രമേ ചാറ്റ് ചെയ്യാൻ സാധിക്കുമായിരുന്നുള്ളു.
ഈ പുതിയ ഫീച്ചർ എല്ലാ ഡിവൈസുകളിലും എപ്പോൾ ലഭ്യമാകും എന്നത് സംബന്ധിച്ച വാട്സ്ആപ്പ് ഔദ്യോഗികമായി അറിയിപ്പുകളൊന്നും നൽകിയിട്ടില്ല. ആപ്പ് സ്റ്റോറിൽ നിന്നോ ഗൂഗിൾ പ്ലേ സ്റ്റോറിൽ നിന്നോ വാട്സ്ആപ്പിന്റെ ഏറ്റവും പുതിയ പതിപ്പ് അപ്ഡേറ്റ് ചെയ്ത് നിങ്ങൾക്കും ഈ ഫീച്ചർ ലഭ്യമായിട്ടുണ്ടോ എന്ന് പരിശോധിക്കാവുന്നതാണ്. അപ്ഡേറ്റ് ചെയ്ത ശേഷം ഈ ഫീച്ചർ നിങ്ങളുടെ ഫോണിലും ലഭ്യമാണോ എന്നറിയാൻ മുകളിൽ നൽകിയിട്ടുള്ളത് പോലെ സേവ് ചെയ്യാത്ത നമ്പർ സെർച്ച് ചെയ്ത് നോക്കാവുന്നതാണ്. ഘട്ടം ഘട്ടമായിട്ടായിരിക്കും ഈ ഫീച്ചർ എല്ലാ ഉപയോക്താക്കൾക്കും വാട്സ്ആപ്പ് ലഭ്യമാക്കുന്നത്.
കോൺടാക്റ്റിൽ സേവ് ചെയ്യാത്ത ഫോൺ നമ്പറുകളിലേക്ക് മെസേജ് അയക്കാനുള്ള ഫീച്ചർ ബീറ്റാ വേർഷനിൽ മാത്രം ലഭ്യമായ ഫീച്ചറല്ല. ഇത് സ്റ്റേബിൾ അപ്ഡേറ്റിലും ലഭ്യമാക്കിയിട്ടുണ്ട്. സ്റ്റേബിൾ അപ്‌ഡേറ്റുകൾ ഇൻസ്റ്റാൾ ചെയ്യുന്ന ഉപയോക്താക്കൾക്കും പുതിയ ഫീച്ചർ ലഭ്യമാകും. വാട്സ്ആപ്പ് അടുത്തിടെ അവതരിപ്പിച്ചിട്ടുള്ള ഫീച്ചറുകളെല്ലാം ഇത്തരത്തിൽ ഉപയോഗപ്രദങ്ങളാണ്. അയച്ച മെസേജുകൾ എഡിറ്റ് ചെയ്യാനുള്ള ഫീച്ചറും വാട്സ്ആപ്പ് അടുത്തിടെ പുറത്തിറക്കിയിരുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
