ഭർത്താവിന്‍റെ സഹായത്തോടെ മധ്യവയസ്‌കനിൽ നിന്ന് പണം തട്ടിയെടുത്ത ശേഷം കാമുകനൊപ്പം ഒളിച്ചോടി

പാലക്കാട് : വിവാഹ വാഗ്ദാനം നൽകി മധ്യവയസ്കനിൽ നിന്നും അരക്കോടിയോളം രൂപ തട്ടിയെടുത്ത യുവതി അറസ്റ്റിൽ. കൽപ്പാത്തി സ്വദേശിയായ മധ്യവയസ്കനാണ് പരാതിക്കാരൻ. കൊല്ലം കൊട്ടാരക്കര സ്വദേശിനി ശാലിനി (37) ആണ് അറസ്റ്റിലായത്. പത്രത്തിൽ പുനർവിവാഹ പരസ്യം നൽകിയാണ് ശാലിനി മധ്യവയസ്കനെ വലയിൽ വീഴ്ത്തിയത്. ഇതിന് ശാലിനിക്ക് ഒപ്പം നിന്നത് ഭർത്താവ് സരിൻ കുമാർ തന്നെയായിരുന്നു. ഭർത്താവിന്‍റെ ഒത്താശയോടെയായിരുന്നു മധ്യവയസ്കനെ കുടുക്കിയത്.

പരസ്യം കണ്ട മധ്യവയസ്‌കൻ ശാലിനിയെ വിളിച്ചു. ഫോണിലൂടെ സൗഹൃദം സ്ഥാപിച്ച ശേഷം വിവാഹം കഴിക്കാമെന്ന ഉറപ്പിന്മേൽ പരാതിക്കാരൻ യുവതിക്ക് 45 ലക്ഷത്തോളം രൂപ പലതവണയായി നൽകി. പണം തട്ടിയെടുത്ത ശേഷം ശാലിനി ഇയാളെ ഒഴിവാക്കാൻ ശ്രമിച്ചു. എന്നാൽ അത് നടന്നില്ല. ഒടുവിൽ മധ്യവയസ്കന്‍റെ നിർബന്ധത്തിന് യുവതിക്ക് വഴങ്ങേണ്ടി വന്നു. ഇരുവരും തമ്മിലുള്ള വിവാഹം നിശ്ചയിച്ചെങ്കിലും യുവതി മണ്ഡപത്തിലെത്തിയില്ല. ഇതോടെയാണ് താൻ വഞ്ചിക്കപ്പെടുകയായിരുന്നുവെന്ന് മധ്യവയസ്‌കന് മനസിലായത്. തുടർന്ന് പോലീസിൽ പരാതി നൽകുകയായിരുന്നു.

തട്ടിപ്പിന് ശേഷം മുങ്ങിയ ശാലിനിയെ എറണാകുളത്ത് വെച്ചാണ് അറസ്റ്റ് ചെയ്തത്. ആദ്യം വീട്ടിലെത്തിയ പോലീസിന് ഭർത്താവ് സരിനെ മാത്രമേ അറസ്റ്റ് ചെയ്യാൻ സാധിച്ചുള്ളൂ. ശാലിനിയെ കാണാനില്ലെന്നായിരുന്നു ഇയാളുടെ മറുപടി. പണം തട്ടിയെടുക്കാൻ പദ്ധതി ആസൂത്രണം ചെയ്തത് ഭർത്താവ് ആണെങ്കിലും പണം കിട്ടി കഴിഞ്ഞപ്പോൾ ശാലിനി ഇതുമായി തന്‍റെ കാമുകനോടൊപ്പം ഒളിച്ചോടുകയായിരുന്നു. ഇവിടെ വെച്ചാണ് അറസ്റ്റ് ചെയ്തത്.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033