തിരുവനന്തപുരം: അര്‍ജന്റീനയും ഫ്രാന്‍സും ഇഞ്ചോടിഞ്ച് മുന്നേറവേ കളിയുടെ പിരിമുറുക്കം മാറ്റാന്‍ മലയാളി അകത്താക്കിയത് 56 കോടിയുടെ മദ്യമാണ്. ഇരു ടീമുകളും ഒപ്പത്തിനൊപ്പം ഗോളടിച്ച്‌ മുന്നേറുകയും മത്സരം അധികസമയത്തേക്കും ഷൂട്ടൗട്ടിലേക്കും കടന്നതും കുടിയുടെ തീവ്രത കൂടാനിടയാക്കി. ബിവറേജസ് കോര്‍പ്പറേഷനിലെ കണക്ക് മാത്രമാണിത്. ബാറുകളിലെ വില്‍പ്പന കൂടിയാകുമ്പോള്‍ 100 കോടിക്ക് അടുത്തു വന്നേക്കാം. ഫുട്ബോള്‍ ആവേശം സിരകളില്‍ കൊഴുത്തു കയറിയപ്പോള്‍ ബെവ്കോയുടെ ഒരു ദിവസത്തെ വരുമാനത്തില്‍ 21 കോടിയോളം രൂപയുടെ വര്‍ദ്ധനയുണ്ടായി. സാധാരണ ദിവസങ്ങളില്‍ ശരാശരി 35 കോടിയും ഞായറാഴ്ചകളില്‍ 40 കോടിയുമാണ് ബെവ്കോ ഷോപ്പുകള്‍ വഴിയുള്ള വില്പന.
ബിവറേജസ് കോര്‍പ്പറേഷന്റെയും കണ്‍സ്യൂമര്‍ഫെഡിന്റെയും ചില്ലറ വില്പനശാലകള്‍ വഴി കഴിഞ്ഞ ഞായറാഴ്ച വിറ്റത് 50 കോടിയുടെ മദ്യമാണ്. ശനിയാഴ്ച വെയര്‍ഹൗസുകളില്‍ നിന്ന് ബാറുകള്‍ വാങ്ങിയത് ആറു കോടിയുടെ മദ്യവും. കഴിഞ്ഞ ദിവസം വിദേശ മദ്യത്തിന്റെ വില്പന നികുതി നാല് ശതമാനവും കൈകാര്യ ചെലവ് ഒരു ശതമാനവും കൂട്ടിയതോടെ മദ്യത്തിന്റെ വിലയില്‍ മാറ്റം വന്നു. രാത്രിയിലാണ് വില വര്‍ദ്ധന നടപ്പാക്കാനുള്ള നിര്‍ദ്ദേശം വെയര്‍ഹൗസ് മാനേജര്‍മാര്‍ക്കും റീജണല്‍ മാനേജര്‍മാര്‍ക്കും കിട്ടിയത്. പുതുക്കിയ വില കണക്ക് കൂട്ടാന്‍ ബെവ്കോ ഐ ടി വിഭാഗം പരിശ്രമം നടത്തുന്നതിനിടെയാണ് ലോക കപ്പ് ഫൈനല്‍ എത്തുന്നത്. കൂടുതല്‍ വില്പന നടന്ന ഷോറൂമുകള്‍ ഏതെല്ലാമെന്ന് തിട്ടപ്പെടുത്തുന്നതേയുള്ളൂ.
ക്രിസ്തുമസ് കൂടി വരുന്നതോടെ ബിവറേജസ് കോര്‍പ്പറേഷന് ഇരട്ട ബമ്പറാണ്. കഴിഞ്ഞ വര്‍ഷം ക്രിസ്മസ് തലേന്ന് സംസ്ഥാനത്ത് നടന്നത് റെക്കോഡ് മദ്യവില്‍പ്പനയായിരുന്നു. 65 കോടി രൂപയുടെ മദ്യമാണ് ബെവ്കോ ഔട്‌ലെറ്റുകള്‍ വഴി ഡിസംബര്‍ 24ന് വിറ്റഴിച്ചത്. അതിനു മുന്‍പുള്ള വര്‍ഷം ഇത് 55 കോടി രൂപയായിരുന്നു. 2021ല്‍ മുന്‍ വര്‍ഷത്തെ അപേക്ഷിച്ച്‌ 10 കോടി രൂപയുടെ അധിക വില്‍പ്പനയാണ് നടന്നത്. വെയര്‍ഹൗസില്‍ നിന്ന് ആകെ വിറ്റത് 90 കോടിയുടെ മദ്യമാണ്. കണ്‍സ്യൂമര്‍ഫെഡും ബാറുകളും ഇവിടെ നിന്ന് മദ്യം എടുക്കുന്നത്. ഏറ്റവും അധികം മദ്യവില്‍പന നടന്നത് തിരുവനന്തപുരത്താണ്. തലസ്ഥാന നഗരത്തിലെ പവര്‍ഹൗസ് റോഡ് ഔട്‌ലെറ്റ് വഴി വിറ്റത് 73.53 ലക്ഷം രൂപയുടെ മദ്യമാണ്. രണ്ടാം സ്ഥാനത്തുള്ള ചാലക്കുടി ഔട്‌ലെറ്റ് വഴി വിറ്റഴിച്ചത് 70.72 ലക്ഷം രൂപയുടെ മദ്യം. മൂന്നാം സ്ഥാനത്ത്‌ ഇരിങ്ങാലക്കുട ഔട്‌ലെറ്റിനാണ്‌. 63.60 ലക്ഷം രൂപയുടെ വില്‍പ്പന നടന്നു. പത്തനംതിട്ട മീഡിയാ വാര്‍ത്തകള്‍ Whatsapp ല്‍ ലഭിക്കുവാന്‍ Link എന്ന് ടൈപ്പ് ചെയ്ത് 751045 3033 എന്ന നമ്പറിലേക്ക് വാട്സ് ആപ്പ് ചെയ്യുക.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
