മണ്ണാര്ക്കാട് : യുവാവിനെ സുഹൃത്ത് വെടിവെച്ചു കൊന്നു. ഇരട്ടവാരി പറമ്പന്‍ സജീര്‍ എന്ന ഫക്രുദീനാണ് (24)കൊല്ലപ്പെട്ടത്‌. യുവാവിനെ അമ്പലപ്പാറ ക്ഷേത്രത്തിന് സമീപം പുഴക്ക് അക്കരെയുള്ള തോട്ടത്തിലെ ഷെഡിലാണ് മരിച്ച നിലയില്‍ കണ്ടെത്തിയത്.
ഫക്രുദീനൊപ്പമുണ്ടായിരുന്നു സുഹൃത്ത് മഹേഷിനായി പോലീസ് തെരച്ചില്‍ ആരംഭിച്ചു. മരണം ഇന്നലെ രാത്രി പത്ത് മണിയോടെയായിരുന്നു. മഹേഷ് താനാണ് സജീറിനെ കൊലപ്പെടുത്തിയതെന്ന് സുഹൃത്തിനെ ഫോണില്‍ അറിയിച്ചിരുന്നു. കൂടാതെ താന്‍ വിഷം കഴിച്ചിട്ടുണ്ടെന്നും മഹേഷ് പറഞ്ഞതായി സുഹൃത്ത് പോലീസിനെ അറിയിച്ചു. നേരത്തെ നിരവധി കേസുകള്‍ മഹേഷിനും സജീറിനുമെതിരെ ഉണ്ടെന്ന് പോലീസ് അറിയിച്ചു.
