എറണാകുളം : കഞ്ചാവ് കേസില്‍ പോലീസ് പിടി കൂടി ചോദ്യം ചെയ്ത പ്രതികളില്‍ ഒരാളെ ഷോക്കടിച്ച്‌ മരിച്ച നിലയില്‍ കണ്ടെത്തി. കെ.എസ്.ആര്‍.ടി.സി ബസ് സ്റ്റാന്‍ഡിന് സമീപമാണ് യുവാവിനെ മരിച്ച നിലയില്‍ കണ്ടത്.
നാല് കിലോ കഞ്ചാവുമായി ഇയാള്‍ ഉള്‍പ്പെടെ രണ്ട് പേരെയായിരുന്നു പിടികൂടിയത്. ഒരാളെ ചോദ്യം ചെയ്തുകൊണ്ടിരുന്നപ്പോള്‍ രക്ഷപെടാന്‍ ശ്രമിച്ച ആളാണ് അപകടത്തില്‍പ്പെട്ടതെന്നാണ് പോലീസ് നല്‍കുന്ന വിവരം. ഫയര്‍ഫോഴ്‌സ് എത്തി യുവാവിന്റെ മൃതദേഹം താഴെയിറക്കി. ഇയാളെക്കുറിച്ച്‌ കൂടുതല്‍ വിവരങ്ങള്‍ ലഭ്യമല്ല. എറണാകുളം സെന്‍ട്രല്‍ പോലീസും കടവന്ത്ര പോലീസും സംയുക്തമായി നടത്തിയ പരിശോധനയിലാണ് യുവാക്കള്‍ പിടിയിലായത്.
