ഗുഡല്ലൂര്‍ : വാഹനത്തില്‍ നിന്ന് തെറിച്ചുവീണ് യുവാവ് മരിച്ചു. ഗുഡല്ലൂര്‍ നെല്ലാക്കോട്ടയില്‍ പാട്ടവയല്‍ വീട്ടിപടിയില്‍ പരേതനായ രായീന്റെ മകന്‍ സ്വാലിഹ് (34) ആണ് മരിച്ചത്. ബിതര്‍ക്കാട് ഇന്ത്കോ ടീ ഫാക്ടറി തൊഴിലാളിയാണ്. ഫാക്ടറിയില്‍ നിന്ന് തേയില എടുക്കാന്‍ നെല്ലാകൊട്ട വിലങ്ങൂര്‍ ഭാഗത്തേക്ക്‌ പോയതായിരുന്നു. പിക്കപ്പിലെ തേയില ചാക്കുകള്‍ക്ക് മുകളില്‍ ഇരുന്ന സ്വാലിഹ് റോഡിലേക്ക് തെറിച്ചു വീഴുകയായിരുന്നു. തലയ്ക്കു സാരമായി പരിക്കേറ്റാണ് മരണം . മൃതദേഹം ഗുഡല്ലൂര്‍ താലൂക്ക് ആശുപത്രിയിലേക്ക് മാറ്റി.
ഈ മാസം 20നായിരുന്നു വിവാഹം നിശ്ചയിച്ചിരുന്നത്. എന്നാല്‍ ലോക്ഡൗണ്‍ ആയതിനാല്‍ 30 ലേക്ക് മാറ്റിയിരുന്നു. മാതാവ് – സഫിയ. സഹോദരങ്ങള്‍ – ഹനീഫ, സഫൂറ, നൗഷാദ്, നദീറ, ആബിദ്, നുസൈഭ, സുമയ്യ, ലൈല.
