ജമ്മുകശ്മീർ : മയക്കുമരുന്ന് ദുരുപയോഗത്തിനെതിരായ അവബോധം പ്രോത്സാഹിപ്പിക്കുന്നതിനായി നൈപുണ്യ വികസന കോഴ്‌സുകളും ഡി-അഡിക്ഷൻ ഡ്രൈവുകളും സംഘടിപ്പിക്കാൻ ഇന്ത്യൻ സൈന്യം ജമ്മുവിൽ ‘യൂത്ത് എംപവർമെന്റ് സെന്റർ’ സ്ഥാപിക്കാൻ തുടങ്ങി. മയക്കുമരുന്ന് ദുരുപയോഗത്തിനെതിരെ അവബോധം സൃഷ്‌ടിക്കുന്നതിനും യുവാക്കളുടെ ക്രിയാത്മകമായ ഇടപെടൽ സുഗമമാക്കുന്നതിനുമായി ജമ്മു മുനിസിപ്പൽ കോർപ്പറേഷൻ മുഖേന സിവിൽ അഡ്‌മിനിസ്ട്രേഷനുമായി ഏകോപിപ്പിച്ചാണ് ഈ കേന്ദ്രം ആരംഭിച്ചതെന്ന് സേനയുടെ വക്താവ് പറഞ്ഞു.
“ജമ്മുവിലെ പ്രാദേശിക യുവാക്കളുടെ ശാക്തീകരണത്തിനായി വിവിധ നൈപുണ്യ വികസന കോഴ്‌സുകൾ, ഇവന്റുകൾ, പ്രഭാഷണങ്ങൾ, യുവാക്കളെ ലക്ഷ്യമിട്ടുള്ള പരിപാടികൾ എന്നിവ നടത്തുന്നതിന് വേണ്ടിയാണ് യൂത്ത് എംപവർമെന്റ് സെന്റർ രൂപകൽപ്പന ചെയ്‌തിരിക്കുന്നത്. കൂടാതെ മയക്കുമരുന്ന് ദുരുപയോഗത്തിനെതിരായ ബോധവൽക്കരണം പ്രോത്സാഹിപ്പിക്കുന്നതിന് ഡി-അഡിക്ഷൻ ഡ്രൈവുകൾ നടത്താനും ഈ വേദി ഉപയോഗിക്കും” സേനാ വക്താവ് കൂട്ടിച്ചേർത്തു.
